Ulttyq kınony qoldaý memlekettik ortalyǵynyń basshysy Qurmanbek Jumaǵalı ortalyq qyzmetkerlerine ne sebepti syıaqy berilgenin túsindirdi, dep habarlaıdy «Adyrna» tilshisi.
Ol eshqandaı zań buzýshylyqtyń joq ekenin atap ótti.
«Jyl sońynda qyzmetkerler alǵash ret premııa aldy. Syıaqy 2-3 aılyq mólsherinde berildi. Ras. Iá, ortalyqta isteıtin qyzmetkerlerdiń barlyǵy derlik premııa aldy. Ári sol syıaqyǵa árqaısysy laıyq dep aıta alamyn. Bul jerde eshqandaı zań buzýshylyq joq. Basshy retinde jaýapkershilik meniń moınymda. Men qaıta áriptesterimniń Jańa jyl qarsańynda osyndaı múmkindikke ıe bolǵanyna rızamyn. Sebebi jaqyndaryn jáne ózin qýantyp, basqa da qajettilikterine jumsaı aldy. Adal eńbek etti»,—dedi Qurmanbek Jumaǵalı.
Budan bólek basshy aılyq máselesine toqtaldy.
«Ulttyq kınony qoldaý ortalyǵynda ortasha jalaqy shamamen 350 myń teńge. Qazir bizde 10-nan astam vakansııa bar. Kelip, jumys isteımin deıtinder bar bolsa, bilimi men tájirıbesi, yntasy mol azamattarǵa esigimiz ashyq. Konkýrstan ótip, jumysqa ornalasýǵa bolady»,—dep tolyqtyrdy ol.
Eske salaıyq, buǵan deıin jýrnalıst Mıhaıl Kozachkov Ulttyq kınony qoldaý memlekettik ortalyǵynyń bas esepshisi 3 kún jumys istep, jańa jylǵa oraı eki syıaqy, ıaǵnı 875 000 teńge alǵanyn jazǵan edi.
