ەندى قازاقستاندىقتار وڭتۇستىك كورەيادا زاڭدى تۇردە جۇمىس ىستەي الادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«كورەيا رەسپۋبليكاسى ەڭبەك جانە جۇمىسپەن قامتۋ مينيسترلىگىنىڭ وكىلدەرىمەن ونلاين-فورماتتا كەلىسسوزدەر جۇرگىزىلىپ، قازاقستاندى وڭتۇستىك كورەيانىڭ «Employment permit System» جۇيەسىنە ەنگىزۋ ماسەلەسى تالقىلاندى. بۇل قازاقستاندىقتارعا وڭتۇستىك كورەيادا زاڭدى تۇردە جۇمىسقا ورنالاسۋعا، سونداي-اق ولارعا تەڭ ەڭبەك جاعدايلارى مەن قۇقىقتاردى قورعاۋدى قامتاماسىز ەتۋگە مۇمكىندىك بەرەدى»،—دەلىنگەن حابارلامادا.
كەزدەسۋگە مينيسترلىكتىڭ كوشى-قون كوميتەتىنىڭ توراعاسى اسقاربەك ەرتاەۆ قاتىسىپ، EPS جۇيەسى شەڭبەرىندە كورەيالىق دايىندىق ورتالىعىن اشۋ بويىنشا جۇرگىزىلىپ جاتقان جۇمىستار تۋرالى ايتتى. ول قازاقستاندا EPS ورتالىعىن اشۋ مۇمكىندىگىن تالقىلاي وتىرىپ، تاراپتار جەمىستى جانە سىندارلى ءوزارا ءىس-قيمىلعا، سونداي-اق ەڭبەك كوشى-قونى شەڭبەرىندە ەكىجاقتى ىنتىماقتاستىقتى كەڭەيتۋگە دايىن ەكەنىن ءبىلدىردى.
