Endi qazaqstandyqtar Ońtústik Koreıada zańdy túrde jumys isteı alady. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti aıtty, dep habarlaıdy «Adyrna» tilshisi.
«Koreıa Respýblıkasy Eńbek jáne jumyspen qamtý mınıstrliginiń ókilderimen onlaın-formatta kelissózder júrgizilip, Qazaqstandy Ońtústik Koreıanyń «Employment permit System» júıesine engizý máselesi talqylandy. Bul qazaqstandyqtarǵa Ońtústik Koreıada zańdy túrde jumysqa ornalasýǵa, sondaı-aq olarǵa teń eńbek jaǵdaılary men quqyqtardy qorǵaýdy qamtamasyz etýge múmkindik beredi»,—delingen habarlamada.
Kezdesýge mınıstrliktiń Kóshi-qon komıtetiniń tóraǵasy Asqarbek Ertaev qatysyp, EPS júıesi sheńberinde koreıalyq daıyndyq ortalyǵyn ashý boıynsha júrgizilip jatqan jumystar týraly aıtty. Ol Qazaqstanda EPS ortalyǵyn ashý múmkindigin talqylaı otyryp, taraptar jemisti jáne syndarly ózara is-qımylǵa, sondaı-aq eńbek kóshi-qony sheńberinde ekijaqty yntymaqtastyqty keńeıtýge daıyn ekenin bildirdi.
