Endı qazaqstandyqtar Oŋtüstık Koreiada zaŋdy türde jūmys ıstei alady. Būl turaly Eŋbek jäne halyqty äleumettık qorǧau ministrlıgınıŋ baspasöz qyzmetı aitty, dep habarlaidy «Adyrna» tılşısı.
«Koreia Respublikasy Eŋbek jäne jūmyspen qamtu ministrlıgınıŋ ökılderımen onlain-formatta kelıssözder jürgızılıp, Qazaqstandy Oŋtüstık Koreianyŋ «Employment permit System» jüiesıne engızu mäselesı talqylandy. Būl qazaqstandyqtarǧa Oŋtüstık Koreiada zaŋdy türde jūmysqa ornalasuǧa, sondai-aq olarǧa teŋ eŋbek jaǧdailary men qūqyqtardy qorǧaudy qamtamasyz etuge mümkındık beredı»,—delıngen habarlamada.
Kezdesuge ministrlıktıŋ Köşı-qon komitetınıŋ töraǧasy Asqarbek Ertaev qatysyp, EPS jüiesı şeŋberınde koreialyq daiyndyq ortalyǧyn aşu boiynşa jürgızılıp jatqan jūmystar turaly aitty. Ol Qazaqstanda EPS ortalyǧyn aşu mümkındıgın talqylai otyryp, taraptar jemıstı jäne syndarly özara ıs-qimylǧa, sondai-aq eŋbek köşı-qony şeŋberınde ekıjaqty yntymaqtastyqty keŋeituge daiyn ekenın bıldırdı.
