قاسىم-جومارت توقاەۆ قازاقستاننىڭ يرانداعى ەلشىسى اسحات ورازبايدى قىزمەتىنەن بوساتتى، دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەپ.
«مەملەكەت باسشىسىنىڭ جارلىعىمەن ورازباي اسحات تۇتقىشبايۇلى قازاقستان رەسپۋبليكاسىنىڭ يران يسلام رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى»، - دەلىنگەن حابارلامادا.
ورازباي 2019 جىلدىڭ قاڭتارىنان بەرى يرانداعى ەلشى قىزمەتىن اتقاردى.
قاسىم-جومارت توقاەۆ اسحات ورازبايدى حالىقارالىق ارالدى قۇتقارۋ قورىنىڭ اتقارۋشى كوميتەتىنىڭ توراعاسى ەتىپ تاعايىندادى.
«حالىقارالىق ارالدى قۇتقارۋ قورىنىڭ پرەزيدەنتى، قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ شەشىمىمەن ورازباي اسحات تۇتقىشبايۇلى ارالدى قۇتقارۋ حالىقارالىق قورىنىڭ اتقارۋ كوميتەتىنىڭ توراعاسى بولىپ تاعايىندالدى»، - دەلىنگەن بەيسەنبىدەگى حابارلامادا.
