ىشكى ىستەر ءمينيسترى ەرلان تۇرعىمباەۆ 9-13 ماۋسىم كۇندەرى ءىرى قالالاردا تىركەلگەن حالىقتىڭ ميتينگتەرىنە قاتىستى پىكىرىن ءبىلدىردى، دەپ حابارلايدى قازاقپارات.
«9 ماۋسىمنان 13 ماۋسىمعا دەيىن قر قالالارىندا سانكتسيالانباعان مينينگتەر بولدى. باس پروكۋراتۋرا مەن ىشكى ىستەر مينيسترلىگىنىڭ بىرنەشە رەت ەسكەرتۋىنە قاراماستان، سانكتسيالانباعان ميتينگكە شىققان ازاماتتار ميتينگتەر مەن دەمونستراتسيالار تۋرالى زاڭدى بۇزدى. ول زاڭدا ميتينگتى ۇيىمداستىرىپ، وعان شىعۋ ءۇشىن ازاماتتاردىڭ جەرگىلىكتى اتقارۋشى ورگاندارعا ءوتىنىم جازۋى كەرەكتىگى، رۇقسات بەرىلگەن جاعدايدا اتالعان ميتينگتەردى وتكىزۋ كەرەكتىگى ناقتى جازىلعان»، - دەدى ەرلان تۇرعىمباەۆ ۇكىمەت وتىرىسىنان كەيىن تىلشىلەردىڭ سۇراعىنا جاۋاپ بەرە وتىرىپ.
ءمينيستردىڭ ايتۋىنشا، باقتار مەن مادەني شارالار وتەتىن ورىنداردا جاعداي كۇردەلەنىپ، جوسپارلانعان شارالار وتپەي قالعان.
«جول قوزعالىسى شەكتەلىپ، رەسپۋبليكا داڭعىلىندا ءتورت ساعات بويى قوزعالىس توقتادى. بۇل جاعداي ازاماتتاردىڭ مازاسىن كەتىردى. سول سەبەپتى، قۇقىق قورعاۋ ورگاندارى، ونىڭ ىشىندە پوليتسيا قىزمەتكەرلەرى اتالعان شيەلەنىستى رەتتەۋ، قۇقىقتىڭ قورعالۋىن ساقتاۋ بويىنشا شارالاردى قابىلدادى. پوليتسيا كۇشتەرى، ارتىنشا ۇلتتىق گۆارديا جۇمىلدىرىلدى»، - دەدى ول.
ونىڭ ايتۋىنشا، ميتينگ كەزىندە ءتارتىپ ساقشىلارى جاراقات العان.
«ءبارىن دە وزدەرىڭىز كوردىڭىزدەر. ۆيدەو مەن فوتودا پوليتسياعا قالاي شابۋىل جاسالىپ جاتقانىن، قالقانداردى تەۋىپ جاتقانىن، تارتىپ، سوعىپ جاتقانىن كوردىڭىزدەر. نەگىزىنەن كوبى جەڭىل جاراقاتتار. باس مي جاراقاتى، جىلىنشىكتىڭ سىنۋى جاعدايلارى كەزدەستى. سەبەبى، دەنە جاراقاتتارى تاياقتان، ارماتۋرا مەن تاستان كەلىپ جاتتى. كەيبىر ازاماتتار وسىلاردى پايدالانىپ، جاعدايدى ۋشىقتىرعىسى كەلدى.
ء"ۇش جۇزدەن استام پوليتسيا قىزمەتكەرى دەنە جاراقاتىن الدى. ولاردىڭ التاۋى قازىر گوسپيتالدە جاتىر. بۇل تسيفردى ءبىز بۇعان دەيىن جاريا ەتپەپ ەدىك، العاش رەت ايتىپ تۇرمىن»، - دەدى ول.
ءمينيستردىڭ ايتۋىنا قاراعاندا، پوليتسياعا ارنايى قۇرالداردى - گاز قارۋىن، دۋبينكا مەن وزگە دە زاتتاردى پايدالانباۋ تۋرالى پارمەن بەرىلگەن.
«قازاقستاندىق پوليتسيا ولاردى قولدانبادى. تەك شيەلەنىستى رەتتەۋ ءۇشىن فيزيكالىق كۇش پايدالانىلدى. 4 مىڭعا تارتا ادام ۇستالىپ، 3 ساعاتتىڭ ىشىندە 3 مىڭى بوساتىلدى. 677 ادام سوت ارقىلى ارقىلى اكىمشىلىك قاماۋعا الىندى. 305-نە ايىپپۇل سالىندى»، - دەدى مينيستر.
دەرەككوز: http://ult.kz/post/miting-kezinde-kobine-politsiya-kyzmetkerleri-zharakat-aldy-ministr-turgymbaev?fbclid=IwAR2ezTokx0XbKYnnpDjjxJ_wMv6rQGFJhuPcg-DA08Dc0XqfT9FJ3ZVL9-4
"ادىرنا" ۇلتتىق پورتالى
