Işkı ıster ministrı Erlan Tūrǧymbaev 9-13 mausym künderı ırı qalalarda tırkelgen halyqtyŋ mitingterıne qatysty pıkırın bıldırdı, dep habarlaidy QazAqparat.
«9 mausymnan 13 mausymǧa deiın QR qalalarynda sanksiialanbaǧan miningter boldy. Bas prokuratura men Işkı ıster ministrlıgınıŋ bırneşe ret eskertuıne qaramastan, sanksiialanbaǧan mitingke şyqqan azamattar mitingter men demonstrasiialar turaly zaŋdy būzdy. Ol zaŋda mitingtı ūiymdastyryp, oǧan şyǧu üşın azamattardyŋ jergılıktı atqaruşy organdarǧa ötınım jazuy kerektıgı, rūqsat berılgen jaǧdaida atalǧan mitingterdı ötkızu kerektıgı naqty jazylǧan», - dedı Erlan Tūrǧymbaev Ükımet otyrysynan keiın tılşılerdıŋ sūraǧyna jauap bere otyryp.Ministrdıŋ aituynşa, baqtar men mädeni şaralar ötetın oryndarda jaǧdai kürdelenıp, josparlanǧan şaralar ötpei qalǧan.
«Jol qozǧalysy şektelıp, Respublika daŋǧylynda tört saǧat boiy qozǧalys toqtady. Būl jaǧdai azamattardyŋ mazasyn ketırdı. Sol sebeptı, qūqyq qorǧau organdary, onyŋ ışınde polisiia qyzmetkerlerı atalǧan şielenıstı retteu, qūqyqtyŋ qorǧaluyn saqtau boiynşa şaralardy qabyldady. Polisiia küşterı, artynşa ūlttyq gvardiia jūmyldyryldy», - dedı ol.Onyŋ aituynşa, miting kezınde tärtıp saqşylary jaraqat alǧan.
«Bärın de özderıŋız kördıŋızder. Video men fotoda polisiiaǧa qalai şabuyl jasalyp jatqanyn, qalqandardy teuıp jatqanyn, tartyp, soǧyp jatqanyn kördıŋızder. Negızınen köbı jeŋıl jaraqattar. Bas mi jaraqaty, jılınşıktıŋ synuy jaǧdailary kezdestı. Sebebı, dene jaraqattary taiaqtan, armatura men tastan kelıp jatty. Keibır azamattar osylardy paidalanyp, jaǧdaidy uşyqtyrǧysy keldı. "Üş jüzden astam polisiia qyzmetkerı dene jaraqatyn aldy. Olardyŋ altauy qazır gospitalde jatyr. Būl sifrdy bız būǧan deiın jariia etpep edık, alǧaş ret aityp tūrmyn», - dedı ol.Ministrdıŋ aituyna qaraǧanda, polisiiaǧa arnaiy qūraldardy - gaz qaruyn, dubinka men özge de zattardy paidalanbau turaly pärmen berılgen.
«Qazaqstandyq polisiia olardy qoldanbady. Tek şielenıstı retteu üşın fizikalyq küş paidalanyldy. 4 myŋǧa tarta adam ūstalyp, 3 saǧattyŋ ışınde 3 myŋy bosatyldy. 677 adam sot arqyly arqyly äkımşılık qamauǧa alyndy. 305-ne aiyppūl salyndy», - dedı ministr.
Derekköz: http://ult.kz/post/miting-kezinde-kobine-politsiya-kyzmetkerleri-zharakat-aldy-ministr-turgymbaev?fbclid=IwAR2ezTokx0XbKYnnpDjjxJ_wMv6rQGFJhuPcg-DA08Dc0XqfT9FJ3ZVL9-4
"Adyrna" ūlttyq portaly
