kris_p_talgar پاراقشاسىندا جاريالانعان ۆيدەودا الماتى وبلىسىنداعى تالعار قالاسىمەن شەكتەسەتىن كەڭدالا اۋىلىنىڭ جاڭا باس جوسپار ماسەلەسى تالقىلانعان قوعامدىق تىڭداۋدىڭ سوڭى «زاڭسىزدىققا» ۇلاستى، دەپ حابارلايدى "ادىرنا" ۇلتتىق پورتالى.
ۆيدەودا جەرگىلىكتى بيلىك كەڭدالا اۋىلدىق وكرۋگىندەگى ساياجايلارعا اۋىل مارتەبەسىن بەرگىسى كەلەتىنى، سوندىقتان تۇرعىندارعا جاڭا باس جوسپار ۇسىنعانى ايتىلعان. الايدا، ۇيلەرى سۇرىلەتىن تۇرعىندار وتەماقى مولشەرىن ناقتى ايتپاعاندىقتان، مۇنىمەن كەلىسپەيدى.
بۇل ماسەلە تالقىلانعان ءبىرىنشى تىڭداۋ ەمەس ەكەنى حابارلاندى. بىراق بۇل جولى شارانى ۇيىمداستىرۋشىلار «داۋىس بەرۋدى كادىمگى تازا پاراقتاردا وتكىزۋگە شەشىم قابىلدادى». بولمەدەگى كەز كەلگەن ادام داۋىس بەرە الادى. ال مۇنداي ماڭىزدى كەزدەسۋ تۋرالى ولارعا ءبىر كۇن بۇرىن عانا حابارلانعان.
بەينەجازبا اۆتورلارى كەزدەسۋدە ساياجايلارعا ەش قاتىسى جوق ادامدار جينالعانىن العا تارتادى. ال كەيبىر جەكە تۇلعالاردىڭ ارەكەتى ارانداتۋشىلىق دەپ اتالادى.
"ادامدار كەلدى، ولاردىڭ كوپشىلىگى ساياجاي ايماعىنداعى جىلجىمايتىن مۇلىكتىڭ يەسى ەمەس. نەلىكتەن ولار شەشىم قابىلداپ، قول قويادى؟ بۇل قانداي داۋىس بەرۋ؟ نەلىكتەن ەل ۇكىمەتىنىڭ اتىنان شىققان ادامدار مەنشىك يەسىنىڭ قۇقىعىن بۇزادى؟" – دەپ تاڭعالدى كوممەنتاتورلاردىڭ ءبىرى.
"ادىرنا" ۇلتتىق پورتالى
