“اكەم تۇرمەدە”: اكتەر راميس قۇلاحمەتوۆ زاڭسىزدىقتىڭ كۋاسى بولعانىن ايتىپ، ۆيدەو جاريالادى

2707
Adyrna.kz Telegram

اكتەر راميس قۇلاحمەتوۆتىڭ اكەسىن زاڭسىز سوتتاپ جىبەرگەن. بۇل تۋرالى اكتەر تيكتوك پاراقشاسىنا ۆيدەو جاريالادى، دەپ حابارلايدى “ادىرنا” ۇلتتىق پورتالى.

ۆيدەودا اكتەر زاڭسىزدىق ورىن العانىن ايتىپ، وقىرماندارىنان قولداۋ سۇرادى. 

“بۇل وقيعانى كوپتەن بەرى بولىسكىم كەلدى…

نەگە ءبولىسىپ وتىرمىن؟ بۇل بۇكىل قازاقتىڭ باسىندا بار دەرتتىڭ ءبىرى. جالپى ايتقاندا، 10 ايدىڭ كولەمىندەي بولدى، قازىر اكەم تۇرمەدە جاتىر. وسى ارالىقتا تەرگەۋ امالدارى مەن سوت پروتسەستەرى ءوتتى. جالپى ايتقاندا، سوت بارىسىنداعى زاڭسىزدىقتىڭ كۋاسى بولدىم. ۇكىم زاڭ تالاپتارىنا ساي شىققان جوق.

قۇزىرلى ورگانداردىڭ، مەدەۋ اۋدانىنىڭ پوليتسيا ءبولىمى، پروكۋراتۋرانىڭ ىستەردى قاراعان كەزدە ايعاقتاردى باعامداۋ، زەرتتەۋى سىن كوتەرمەيدى. ساپاسىز. زاڭدى دۇرىس قولدانباعان. تەرگەۋ امالدارى كەزىندە ءىستى تولىق قاراماعان، سوعان قاراماستان پروكۋرور ءىستى سوتقا دەيىن جەتكىزىپ وتىر جانە سوت ۇكىم شىعارىپ تاستاپ وتىر. پروكۋراتۋرا زاڭنىڭ زاڭدىلىعىن تەكسەرەتىن قۇزىرلىعى بولا تۇرا، بارىنە كوز جۇما قارايدى. تەك دالەلدەر بار دەپ ايتۋمەن عانا شەكتەلەدى. ناقتى دالەل كورسەتپەيدى. ال ءبىزدىڭ تاراپ بويىنشا بۇل ءىس بويىنشا ناقتى دالەل جوق…

ءوزىم سەريالدارعا ءتۇسىپ جۇرسەم، سەريالدىڭ ورتاسىندا ءجۇر ەكەنمىن”، - دەدى اكتەر.

اكتەر كەلەسى ۆيدەولاردا وقىرماندارىنا وقيعانى تولىقتاي ايتىپ بەرەتىنىن ايتىپ، ۋادە بەردى.

پىكىرلەر