ءماجىلىس ەكولوگيا، گەولوگيا جانە تابيعي رەسۋرستار ءمينيسترىنىڭ كانديداتۋراسىنا كەلىسىم بەردى
ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ وتىرىسىندا دەپۋتاتتار ەكولوگيا، گەولوگيا جانە تابيعي رەسۋرستار ءمينيسترى لاۋازىمىنا تاعايىنداۋعا ماعزۇم مىرزاعاليەۆتىڭ كانديداتۋراسىنا كەلىسىم بەردى.
پرەمەر-ءمينيستردىڭ تاپسىرماسى بويىنشا كانديداتتى پرەمەر-مينيستر كەڭسەسىنىڭ باسشىسى عالىمجان قويشىباەۆ تانىستىردى. ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەلەرى مىرزاعاليەۆكە بىرقاتار سۇراق قويدى، دەپ حابارلادى تومەنگى پالاتانىڭ ءباسپاسوز قىزمەتى.
"وتىرىس قورىتىندىسى بويىنشا "قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى" كونستيتۋتسيالىق زاڭنىڭ 22-1-بابىنا سايكەس، قازاقستان پرەمەر-ءمينيسترى ۇسىنعان ماعزۇم ماراتۇلى مىرزاعاليەۆتىڭ كانديداتۋراسى ەكولوگيا، گەولوگيا جانە تابيعي رەسۋرستار ءمينيسترى لاۋازىمىنا تاعايىنداۋ ءۇشىن ۇسىنىلدى. ", - دەپ جازىلعان حابارلامادا.
وتىرىس سوڭىندا دەپۋتاتتار كانديداتقا الداعى جۇمىسىندا تابىس تىلەدى.
ايتا كەتەيىك، مەملەكەت باسشىسى قاسىم-جومارت توقاەۆ پرەزيدەنتتى ۇلىقتاۋ راسىمىندە ەلىمىزگە بىرىڭعاي ەكولوگيالىق ساياسات قاجەت ەكەنىن باسا ايتقان بولاتىن.
"قورشاعان ورتانىڭ قازىرگى مۇشكىل ءحالى – كوپشىلىكتىڭ كوكەيىندەگى ماسەلە. قورشاعان ورتانى قورعاۋ جۇيەسىنە سەرپىن بەرەتىن جاڭا ەكولوگيالىق كودەكس قابىلداۋ كەرەك", - دەدى پرەزيدەنت.
دەرەككوز: https://sputniknews.kz/politics/20190617/10576030/Qazaqstanda-zhana-ministrlik-quryldy-ony-kim-basqarady.html
"ادىرنا" ۇلتتىق پورتالى
