Májilis ekologııa, geologııa jáne tabıǵı resýrstar mınıstriniń kandıdatýrasyna kelisim berdi
Májilistiń Ekologııa máseleleri jáne tabıǵat paıdalaný komıtetiniń otyrysynda depýtattar Ekologııa, geologııa jáne tabıǵı resýrstar mınıstri laýazymyna taǵaıyndaýǵa Maǵzum Myrzaǵalıevtyń kandıdatýrasyna kelisim berdi.
Premer-mınıstrdiń tapsyrmasy boıynsha kandıdatty premer-mınıstr keńsesiniń basshysy Ǵalymjan Qoıshybaev tanystyrdy. Májilistiń Ekologııa máseleleri jáne tabıǵat paıdalaný komıtetiniń músheleri Myrzaǵalıevke birqatar suraq qoıdy, dep habarlady tómengi palatanyń baspasóz qyzmeti.
"Otyrys qorytyndysy boıynsha "Qazaqstan Respýblıkasynyń parlamenti jáne onyń depýtattarynyń mártebesi týraly" Konstıtýııalyq zańnyń 22-1-babyna sáıkes, Qazaqstan premer-mınıstri usynǵan Maǵzum Maratuly Myrzaǵalıevtyń kandıdatýrasy Ekologııa, geologııa jáne tabıǵı resýrstar mınıstri laýazymyna taǵaıyndaý úshin usynyldy. ", - dep jazylǵan habarlamada.
Otyrys sońynda depýtattar kandıdatqa aldaǵy jumysynda tabys tiledi.
Aıta keteıik, memleket basshysy Qasym-Jomart Toqaev prezıdentti ulyqtaý rásiminde elimizge biryńǵaı ekologııalyq saıasat qajet ekenin basa aıtqan bolatyn.
"Qorshaǵan ortanyń qazirgi múshkil háli – kópshiliktiń kókeıindegi másele. Qorshaǵan ortany qorǵaý júıesine serpin beretin jańa Ekologııalyq kodeks qabyldaý kerek", - dedi prezıdent.
Derekkóz: https://sputniknews.kz/politics/20190617/10576030/Qazaqstanda-zhana-ministrlik-quryldy-ony-kim-basqarady.html
"Adyrna" ulttyq portaly
