تالدىقورعان قالاسىندا تۇرعىندار اراسىندا بالالار ويىن الاڭىنا بايلانىستى جانجال تۋىندادى، دەپ حابارلايدى "ادىرنا" ۇلتتىق پورتالى.
وقيعا بويىنشا ايەلدەر اكىمشىلىك جاۋاپكەرشىلىككە تارتىلدى.
الەۋمەتتىك جەلىدە تاراعان ۆيدەودا جالايىر كوشەسىندەگى تۇرعىن ۇيلەردىڭ اۋلالارىندا ايەلدەر اراسىندا داۋ شىققانى كورسەتىلگەن. جەرگىلىكتى تۇرعىنداردىڭ ايتۋىنشا، №24 ءۇيدىڭ ءوز ويىن الاڭى بولماعاندىقتان، بالالار كورشى №26 ءۇيدىڭ اۋلاسىنداعى الاڭدا وينايدى. بۇل جاعداي تۇرعىندار اراسىندا كەلىسپەۋشىلىك تۋدىرعان. وقيعاعا قاتىستى جەتىسۋ وبلىسى پوليتسيا دەپارتامەنتى پىكىر ءبىلدىردى.
"پوليتسيا قىزمەتكەرلەرى تەكسەرۋ جۇرگىزدى. انىقتالعانداي، تۇرعىندار اراسىندا تۇرمىستىق نەگىزدە اۋىزشا جانجال بولعان. وقيعاعا قاتىسۋشىلار ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىككە تارتىلدى. جينالعان ماتەريالدار پروتسەسسۋالدىق شەشىم قابىلداۋ ءۇشىن تالدىقورعان قالالىق سوتىنا جولداندى", — دەپ حابارلادى ۆەدومستۆو.
