الماتى حالىقارالىق اۋەجايىنىڭ ۆيتسە-پرەزيدەنتى - اكىمشىلىك دەپارتامەنتى باسشىسىنىڭ ورىنباسارى - تۇرىك توپ-مەنەدجەرى ۋفۋك سەرتتى ۇلتتىق قاۋىپسىزدىك كوميتەتىنىڭ (ۇقك) قىزمەتكەرلەرى ەسىرتكى ءىسى بويىنشا ۇستادى، دەپ حابارلايدى "ادىرنا" ۇلتتىق پورتالى قازتاگ-قا سىلتەمە جاساي وتىرىپ.
«بۇگىن الماتى اۋەجايىندا ەسىرتكى ىسىنە بايلانىستى ءتىنتۋ جۇرگىزىلدى، اۋەجاي باسشىلىعى ورنالاسقان شتاب-پاتەردە تەرگەۋ شارالارى جۇرگىزىلىپ - ۋفۋك سەرتكە سۇراقتار تۋىندادى، ول ۇستالدى»، - دەپ حابارلادى جۇمادا قازتاگ.
مالىمەتتەرگە سۇيەنسەك، بۇل ءىستى ۇلتتىق قاۋىپسىزدىك كوميتەتىنىڭ 4-ءشى باسقارماسى (ەكونوميكالىق قاۋىپسىزدىككە جاۋاپتى) جۇرگىزىپ جاتىر جانە وسى ىسكە قاتىسى بار ءبىر توپ ادامنىڭ ۇستالعانى تۋرالى ايتىلۋى مۇمكىن.
ايتا كەتەيىك، اۋەجاي توپ مەنەدجەردىڭ ۇستالعانىن جوققا شىعاردى، بىراق اۋەجايدىڭ ءباسپاسوز قىزمەتى قازىرگى ۋاقىتتا «الماتى حالىقارالىق اۋەجايى» اق تەرگەۋ اياسىندا ۋاكىلەتتى ورگاندارمەن بىرلەسىپ جۇمىس ىستەپ جاتقانىن، تەرگەۋ اياقتالعاننان كەيىن اقپارات بەرەتىنىن حابارلادى.
سونداي-اق قىزمەتتىك تەكسەرىس تە جۇرگىزىلىپ جاتىر.
"ادىرنا" ۇلتتىق پورتالى
