باتىس قازاقستان وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى باتىس قازاقستان جانە اتىراۋ وبلىستارىنىڭ اۋماعىندا بايلانىسسىز جاسىرۋ ادىسىمەن ماريحۋانا جانە گاشيش ەسىرتكى قۇرالدارىن ساتۋمەن اينالىسقان ينتەرنەت-دۇكەنگە توسقاۋىل قويدى. بۇل تۋرالى ىىم ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
جەدەل-تەرگەۋ ءىس-شارالارىن جۇرگىزۋ بارىسىندا جوعارىدا اتالعان ينتەرنەت-دۇكەننىڭ وپەراتورى جانە كۋرەرى بولعان ورال قالاسىنىڭ ەكى تۇرعىنى ۇستالدى. اتىراۋ، ورال جانە اقساي قالالارىندا ولار بۇرىن جاسىرىپ كەتكەن 500-دەن استام ەسىرتكى ورامى تاركىلەندى.
ايتا كەتسەك، ولاردىڭ 300-دەن استامى اتىراۋدا جايىق وزەنىنىڭ جاعاسىنداعى قوعامدىق ورىنداردان تابىلدى.
جىل باسىنان بەرى ىشكى ىستەر مينيسترلىگى ينتەرنەت-دۇكەندەردىڭ 19 ۇيىمداستىرۋشىسىن، 105 وپەراتور مەن 297 ەسىرتكى جاسىرۋشىنى ۇستادى. ەسىرتكى قۇرالدارىنىڭ تارالۋى تۋرالى اقپاراتتى قامتيتىن 3500 ينتەرنەت-رەسۋرس انىقتالىپ، بۇعاتتالدى، – دەدى قر ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى سارقىتباي قۇسايىنوۆ.
قازىرگى تاڭدا ەسىرتكى دۇكەنىن ۇيىمداستىرۋشىنى انىقتاۋ جانە ونى بۇعاتتاۋ بويىنشا جۇمىس جۇرگىزىلىپ جاتىر.
