«يسلام مەملەكەتى» ۇيىمى (قازاقستاندا تىيىم سالىنعان) 3 قاڭتار كۇنى يراندا بولعان ەكى جارىلىستىڭ جاۋاپكەرشىلىگىن ءوز موينىنا الدى، دەپ حابارلايدى «ادىرنا» ءتىلشىسى.
كەرمانە قالاسىنداعى جارىلىستار سالدارىنان 84 ادام قازا تاپتى. قايعىلى جاعداي 4 جىل بۇرىن اقش-تىڭ اۋە سوققىسىنىڭ ناتيجەسىندە مەرت بولعان يران اسكەري قولباسشىسى قاسىم سۇلەيمەندى ەسكە الۋ شاراسى كەزىندە بولعان ەدى.
ۇيىم الەۋمەتتىك جەلىدەگى رەسمي پاراقشاسىندا جارىلىستى بەلبەۋى جانە جارىلعىش زاتى بار ەكى جيھادشىنىڭ ۇيىمداستىرعانىن مالىمدەدى.
«يسلام مەملەكەتى» — 2014 جىلى سيريا مەن يراكتىڭ باقىلاۋىنداعى اۋماقتاردا جاڭا مەملەكەت قۇرۋ تۋرالى جاريالاعان حالىقارالىق تەرروريستىك ۇيىم.
ەسكە سالايىق، بۇعان دەيىن يراندا سۇلەيماني بەيىتىنىڭ ماڭىنداعى جارىلىس بولىپ، بىرنەشە ادامنىڭ قازا تاپقانىن جازعان ەدىك.
