مەملەكەت باسشىسىنىڭ تاپسىرماسىنا سايكەس پروكۋراتۋرا ورگاندارى جۋرناليست ميحايل كوزاچكوۆقا قاتىستى تەرگەۋ جۇرگىزۋ بويىنشا بىرقاتار باق وكىلدەرىنىڭ ۇندەۋىندە كەلتىرىلگەن ۋاجدەردى تەكسەرۋگە كىرىستى.
بەلگىلى بولعانداي، م.ۆ.كوزاچكوۆ 2022 جىلعى 18 جەلتوقساندا الماتى قالاسى جانە الماتى وبلىسىندا جەكەلەگەن كاسىپكەرلەردىڭ مۇلكىن رەيدەرلىك جولمەن باسىپ الۋ فاكتىلەرى بويىنشا ۇيىمداسقان توپقا قاتىستى قىلمىستىق ءىستى تەرگەۋ اياسىندا قارجى مونيتورينگى اگەنتتىگىنىڭ قىزمەتكەرلەرىمەن ۇستالعان.
سوتقا دەيىنگى تەرگەپ-تەكسەرۋ ورگانى م.ۆ.كوزاچكوۆتى وسى ۇيىمداسقان توپقا قاتىستى (قر قك-ءنىڭ 262-بابىنىڭ 2-بولىگى), رەيدەرلىك جاسادى (قر قك-ءنىڭ 249-بابىنىڭ 3-بولىگى), مەملەكەتتىك قۇپيالاردى زاڭسىز جيناۋ جانە تاراتۋمەن (قر قك-ءنىڭ 185-بابىنىڭ 3-بولىگى) اينالىستى دەپ كۇدىكتەنۋدە.
وسىعان بايلانىستى م.ۆ.كوزاچكوۆتىڭ تۇراتىن پاتەرىندە تەرگەۋ سوتىنىڭ سانكتسياسىنىڭ نەگىزىندە كۇدىكتىنىڭ جۇبايىنىڭ، كۋاگەرلەردىڭ قاتىسۋىمەن جانە بەينە جازبانى پايدالانۋ ارقىلى ءتىنتۋ جۇرگىزىلگەن.
تۋىنداعان رەزونانستى ەسكەرە وتىرىپ، 2022 جىلعى 18 جەلتوقساندا قارجى مونيتورينگى اگەنتتىگى جوعارىدا اتالعان پروتسەستىك ارەكەتتەردى جاساۋعا نەگىز بولعان ءمان-جايلاردى دەرەۋ جۇرتشىلىقتىڭ نازارىنا ۇسىنعان.
قازىرگى ۋاقىتتا سوتقا دەيىنگى تەرگەپ-تەكسەرۋ امالدارى جالعاسۋدا. تەرگەۋ بارىسى پروكۋراتۋرانىڭ قاداعالاۋىندا.
بۇل رەتتە م.ۆ.كوزاچكوۆقا قاتىستى ءىستىڭ ءمان-جايىن جاريالاۋ كەزىندە كىناسىزدىك پرەزۋمپتسياسى قاعيداسىن جانە جوعارىدا اتالعان تەرگەۋ ءىس-ارەكەتىنەن ۋاقتىلى قول جەتكىزۋدە ونى قورعاۋدى قامتاماسىز ەتەتىن ادۆوكاتتىڭ كەدەرگى جاساۋ بەلگىلەرىن بۇزۋ تۋرالى حابارلامالارعا ەرەكشە نازار اۋدارىلاتىن بولادى.
ۇندەۋدى قاراۋ ناتيجەلەرى تۋرالى تەكسەرۋ اياقتالعاننان كەيىن جۇرتشىلىققا حابارلاناتىن بولادى.
باس پروكۋراتۋرانىڭ ءباسپاسوز قىزمەتى
"ادىرنا" ۇلتتىق پورتالى
