تارازدا ورتالىق ساياباقتاعى جاڭا جىلدىق شىرشا ورتەندى، - دەپ حابارلايدى “ادىرنا” ۇلتتىق پورتالى.
31 جەلتوقسان كۇنى تاڭەرتەڭ الەۋمەتتىك جەلىدە تاراز قالاسىنداعى پرەزيدەنت ساياباعىندا ورتەنىپ جاتقان جاڭا جىلدىق شىرشانىڭ ۆيدەوسى تاراپ كەتتى.
taraznews.kz پاراقشاسى اتاپ وتكەندەي، جاڭا جىلدىق شىرشانىڭ ورتەنۋى ادەيى ىستەلگەن.
«31 جەلتوقسان كۇنى ساعات 08:29-دا تاراز قالاسى تولە بي كوشەسىندەگى جاساندى شىرشانىڭ ورتەنىپ جاتقانى تۋرالى حابار كەلىپ، ءورت 08:34-تە انىقتالىپ، 08:35-تە ءسوندىرىلدى. وبلىستىق توتەنشە جاعدايلار دەپارتامەنتىنەن: «وسقم» مم (8 قىزمەتكەر جانە 2 بىرلىك تەحنيكا) بولدى»، - دەپ ءتۇسىندىردى جامبىل وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
پوليتسيانىڭ حابارلاۋىنشا، 31 جەلتوقسان كۇنى ساعات 08:30-دا بەينەباقىلاۋ كامەرالارىنا ساياباقتا ورناتىلعان جاڭا جىلدىق شىرشانى ورتەپ جىبەرگەن ادام ءتۇسىپ قالعان. كۇدىكتى قاماۋعا الىندى.
"پوليتسەيلەر 56 جاستاعى ەر ادامدى ۇستادى. كۇدىكتى ءوز كىناسىن مويىنداپ، ۋاقىتشا ۇستاۋ يزولياتورىنا قامالدى. قر قىلمىستىق كودەكسىنىڭ 202-بابى (بوتەننىڭ مۇلكىن قاساقانا جويۋ نەمەسە ءبۇلدىرۋ) بويىنشا سوتقا دەيىنگى تەرگەۋ باستالدى»، - دەلىنگەن حابارلامادا.
پوليتسەيلەر باس شىرشا كونە تاراز تاريحي-مادەني كەشەنىنىڭ اۋماعىندا ورناتىلعانىن اتاپ ءوتتى.
