Ауа райының қолайсыздығына байланысты Астана әуежайының аэродромы жабылды, деп хабарлайды «Адырна» ұлттық порталы әуежайдың баспасөз қызметіне сілтеме жасап.
«30 желтоқсанда сағат 09.30-дан 12.00-ге дейін ауа райының күрт өзгеруіне байланысты Астана халықаралық әуежайының аэродромы жабылды», - делінген хабарламада. Қазір елорда әуежайына келген 27 рейс кейінге шегерілді. Ауа райының қолайсыздығына байланысты әуе компаниялары да әуежайда ұшып-қону үшін рейстерін кейінге қалдыруға шешім қабылдады. Сондай-ақ желтоқсанның 30-ына қараған түні ауа райының қолайсыздығынан Астана әуежайынан келетін және баратын 31 рейс кейінге шегерілгені хабарланды.«Адырна» ұлттық порталы
