ىرعىزباي دوسحاناۇلىنىڭ تۋعان جەرىندە ءوتىپ جاتقان «تۇعىرى بيىك تارباعاتاي» حالىقارالىق فەستيۆالى الەمنىڭ ءار تۇكپىرىنەن كەلگەن سپورتشىلار مەن ءتىل جۇيرىكتەرىنىڭ باسىن قوستى. 14 ماۋسىم كۇنى شقو اكىمى دانيال احمەتوۆ تارباعاتاي اۋدانىنا كەلىپ، وبلىس اقساقالدارىمەن كەزدەستى. فەستيۆال اياسىندا ءۇشىنشى وبلىستىق اقساقالدار فورۋمى ءوتتى.
ايماعىمىزدىڭ بارلىق اۋدان مەن قالالارىنان 50 اقساقال كەلىپ، جاستار تاربيەسى مەن قازاق ەلىنىڭ سالت-ءداستۇرىن دارىپتەۋ سۇراقتارىن تالقىلادى. 
فەستيۆال اياسىندا جەتى جىل قاتارىنان قازاقشا كۇرەستەن گران-پري حالىقارالىق ءتۋرنيرىن وتكىزۋ داستۇرگە اينالىپ وتىر. بيىل ءوز كۇشتەرىن سىناسۋعا 30 مەملەكەتتىڭ سپورتشىلارى كەلدى. ءبىرىنشى كۇنى بالۋاندار سالماق ولشەۋدەن ءوتىپ، 70, 80 جانە 80 كەلىدەن جوعارى سالماقتا جارىسقا ءتۇسىپ، باق سىناستى. - حالىقارالىق گران-پريگە بىرنەشە جىل قاتارىنان قاتىسىپ كەلەمىز. وسى جولى وزبەكستاننىڭ 3 چەمپيونى 70 جانە 90 كەلى سالماقتا ەلىمىزدىڭ نامىسىن قورعايدى. بۇگىن مىقتىلار انىقتالادى. بارلىق قاتىسۋشىلارعا جەڭىس تىلەيمىز،- دەدى وزبەكستان كومانداسىنىڭ وكىلى شاۆكات ميرزاكۋلوۆ.
ايماق باسشىسى قازاق كۇرەسىنەن سپورتتىق جارىس كوشپەندىلەردىڭ حالىقارالىق ويىندارىنا ەنگىزۋ قاجەتتىلىگىن اتاپ ءوتتى.
ايتا كەتسەك، بۇگىن اقسۋات اۋىلىندا قازاق كۇرەسىنەن الەمنىڭ 90 سپورتشىسى ۇلكەن دوداعا تۇسەدى. العاش رەت جارىسقا يتاليانىڭ سپورتشىلارى قاتىسادى. سونىمەن قاتار "Qazaq promotion" كومپانياسىنىڭ جانە ايگىلى بوكسشى قانات يسلامنىڭ ۇيىمداستىرۋىمەن كاسىپقوي بوكستان تۋرنير وتەدى.
"ادىرنا" ۇلتتىق پورتالى
