ShQO-da aýqymdy sport pen óner festıvali bastaldy

394

Yrǵyzbaı Doshanaulynyń týǵan jerinde ótip jatqan «Tuǵyry bıik Tarbaǵataı» halyqaralyq festıvali álemniń ár túkpirinen kelgen sportshylar men til júırikteriniń basyn qosty. 14 maýsym kúni ShQO ákimi Danıal Ahmetov Tarbaǵataı aýdanyna kelip, oblys aqsaqaldarymen kezdesti. Festıval aıasynda úshinshi oblystyq aqsaqaldar forýmy ótti.

Aımaǵymyzdyń barlyq aýdan men qalalarynan 50 aqsaqal kelip, jastar tárbıesi men qazaq eliniń salt-dástúrin dáripteý suraqtaryn talqylady.
Festıval aıasynda jeti jyl qatarynan qazaqsha kúresten Gran-prı halyqaralyq týrnırin ótkizý dástúrge aınalyp otyr. Bıyl óz kúshterin synasýǵa 30 memlekettiń sportshylary keldi. Birinshi kúni balýandar salmaq ólsheýden ótip, 70, 80 jáne 80 keliden joǵary salmaqta jarysqa túsip, baq synasty. - Halyqaralyq Gran-prıge birneshe jyl qatarynan qatysyp kelemiz. Osy joly Ózbekstannyń 3 chempıony 70 jáne 90 keli salmaqta elimizdiń namysyn qorǵaıdy. Búgin myqtylar anyqtalady. Barlyq qatysýshylarǵa jeńis tileımiz,- dedi Ózbekstan komandasynyń ókili Shavkat Mırzakýlov.


Aımaq basshysy qazaq kúresinen sporttyq jarys kóshpendilerdiń halyqaralyq oıyndaryna engizý qajettiligin atap ótti.
Aıta ketsek, búgin Aqsýat aýylynda qazaq kúresinen álemniń 90 sportshysy úlken dodaǵa túsedi. Alǵash ret jarysqa Italııanyń sportshylary qatysady. Sonymen qatar "Qazaq promotion" kompanııasynyń jáne áıgili boksshy Qanat Islamnyń uıymdastyrýymen kásipqoı bokstan týrnır ótedi.

"Adyrna" ulttyq portaly

Pikirler