«شەتەلدەگى قازاق بالالارى» جوباسىنىڭ قايتا جارىققا شىعۋى كەيبىر شەنەۋنىكتەردىڭ جۇمىسىنان كەتۋىنە تۇرتكى بولدى. بۇل تۋرالى جوبا اۆتورى جانار بايسەمىزوۆا ايتتى، دەپ حابارلايدى “ادىرنا” ۇلتتىق پورتالى.
Qarakoz پودكاستىنا سۇحبات بەرگەن «شەتەلدەگى قازاق بالالارى» جوباسى اۆتورىنىڭ ايتۋىنشا، 90-جىلدارى شەتەلدىكتەر اسىراپ العان بالالاردىڭ ناقتى ءتىزىمى ەشبىر جەردە جوق.
«رەسمي ستاتيستيكا بويىنشا، شەتەلگە بالا بەرۋ 1999 جىلى باستالعان. بىراق، وسى جولى ەۋروپاعا بارعان كەزدە 90 -جىلداردىڭ باسىندا كەتكەن قىزبەن كەزدەستىم. ول مۇلدەم ەش جەردە تىزىمدە جوق. ول كەزدە زاڭ دا باسقا بولدى. مۇمكىن، ءبىزدىڭ ازاماتتار اسىراپ الماعان سوڭ، تىم قۇرىماعاندا سول بالالار باقىتتى بولسىن. شەتەلدىكتەر بولسا دا، ۇيدە ءوسسىن دەپ ويلعان شىعار. ودان كەيىن ونى ەشكىم قاداعالاعان دا جوق. بىلايشا ايتقاندا ول جۇيەسىز كەتكەن»، - دەيدى جوبا اۆتورى.
گااگا كونۆەنتسياسى بويىنشا قازاقستان شەتەلدىكتەرگە باسا اسىراۋعا بەرۋگە مىندەتتى.
«گااگا كونۆەنتسياسىنا قازاقستان قوسىلعان. گااگا كونۆەنتسياسى بويىنشا جەتىم بالا بولماۋى كەرەك. بالانىڭ قۇقىعى قورعالادى. بالا وتباسىندا ءوسۋى كەرەك. ەگەر، بىزدە قازاقستاندا جەتىم بالا بولماسا، قازاقستان ازاماتتارى بارلىعى جابىلىپ، بالالاردى اسىراپ الاتىن بولسا، شەتەلگە ءبىز بالا بەرمەيمىز. ءبىز حالىقارالىق ارەنانىڭ الدىنا شىعىپ، ايتامىز «مىنە، بىزدە جەتىم بالا جوق، ءبىز شەتەلگە بالا بەرە المايمىز» دەپ. ەگەر، ءبىزدىڭ ازاماتتار وزدەرى اسىراپ الماسا، ول بالالار بالالار ۇيىندە، ينتەرناتتا وسسە، حالىقارالىق مىندەتتەمە بويىنشا ءبىز بالالاردى شەتەل ازاماتىنا بەرۋىمىز كەرەك»، - دەيدى جانار بايسەمىزوۆا.
سول جىلدارى بالالارىن ينتەرناتقا، بالالار ۇيىنە ۋاقىتشا قالدىرىپ كەتكەن اتا-انالار وپىق جەپ قالعان كورىنەدى.
«كەيبىرەۋلەر ۋاقىتشا قالدىرىپ كەتكەن. جاعدايى قيىن بولىپ، قايتىپ الىپ كەتەم دەگەن. سول ۋاقىتتا بالانى شەتەلگە بەرىپ جىبەرگەن. ول جەردە اگەنتتىكتەر جۇمىس ىستەيدى. ول كەزدە ءبىلىم جانە عىلىم مينيسترلىگى بولعان. قازىر قالاي اتالادى ءوزى. بىرەسە قوسادى، بىرەسە الدى. تەك قانا بالالار ءۇيى عانا اينالىسپايدى عوي. سول كەزدەگى بعم قاراماعىنداعى بالالار قۇقىعىن قورعاۋ كوميتەتى دەگەن، سول جاۋاپتى»، - دەيدى اۆتور.
جانار بايسەمىزوۆانىڭ سوزىنشە «شەتەلدەگى قازاق بالالارى» جوباسىن قايتا تۇسىرگەن سوڭ، كەيبىر شەنەۋنىكتەر جۇمىسىنان كەتكەن.
«سىرتقى ىستەر مينيسترلىگى قاي كەزدە جاۋاپتى. ولار بارلىعى العاشىندا كەزدەسىپ، وسىنىڭ بارلىعىن تالقىلاعان عوي. قازىرگى ەرەجە بويىنشا، بالانى الىپ كەتپەي تۇرىپ، كونسۋلدىق قىزمەتكە بارىپ، مىندەتتى تۇردە تىركەلۋ كەرەك. بالالار 18-گە تولعانشا قازاقستان ازاماتتارى بولىپ تابىلادى. سوندىقتان، ولاردىڭ ومىرىنە قازاقستان جاۋاپتى. بعم، سول كەزدەگى بالالاردىڭ قۇقىعىن قورعاۋ كوميتەتى سول جاقتان كەتەدى عوي بارلىعى. بالالار ءۇيى سوعان قارايدى. بۇرىن ونىڭ باسشىسى رايسا شەر بولعان. سول كىسى كوپ نارسەنى بار. «شەتەلدەگى قازاق بالالارى» جوباسى شىققان سوڭ، ول كىسى قىزمەتىنەن كەتتى»، - دەيدى بايسەمىزوۆا.
رەسمي مالىمەت بويىنشا، 1999-2020 جىلدار ارالىعىندا قازاقستاندا توعىز جۋىق بالا شەتەلدىكتەرگە اسىراۋعا بەرىلدى، ونىڭ ىشىندە 6000-عا جۋىق بالا اقش-قا كەتتى.
Qaraqoz پودكاستىنىڭ العاشقى قوناعى – جۋرناليست، «شەتەلدەگى قازاق بالالارى» جوباسىنىڭ اۆتورى جانار بەيسەمىزوۆا.
جانار العاش 2009 جىلى قولعا العان شەت ەلدەگى قازاق بالالارى تۋرالى جوبا، بيىل التىنشى ماۋسىمىن ءتۇسىرىپ، «جىبەك جولى» ارناسىندا كورسەتىلدى. ءار جىلدارى شىققان باعدارلاما كورەرمەن تاراپىنان قىزۋ تالقىلانادى. ساياساتتان باستاپ، الەۋمەتتىك جاعداي، ءبىلىم بەرۋ، جەكە يندەنتيفيكاتسيا، بالا تاريبەسى سەكىلدى ماڭىزدى اسپەكتىلەردى قامتىعان «شەتەلدەگى قازاق بالالارى» جوباسى مازمۇنى جاعىنان قازىر وتاندىق تۆ باعدارلامالار اراسىندا كوش باستاپ تۇر. سۇحباتتى تولىق كورىپ ءۇشىن سىلتەمەگە ءوتىڭىز.
