استاناداعى ۆەلوجارىس كەزىندە ەر ادام كوز جۇمدى

1544
Adyrna.kz Telegram

استاناداعى Tour of Uly Dala ۆەلوجارىسى كەزىندە ەر ادام قايتىس بولدى. بۇل تۋرالى قازاقستاننىڭ ۆەلوسپورت فەدەراتسياسى مالىمدەدى، دەپ حابارلايدى “ادىرنا” ۇلتتىق پورتالى.

مالىمەتكە سايكەس، جارىس كەزىندە ءبىر ۆەلوشاباندوز جولدىڭ جيەگىنە توقتاپ، كەنەتتەن قايتىس بولعان.

الدىن الا مالىمەتكە سايكەس، 1983 جىلى تۋعان ەر ادامنىڭ جۇرەگى شىداي المادى. جارىستا كەزەكشىلىك اتقارعان جەدەل جاردەم بريگاداسى شۇعىل كومەك كورسەتتى. وكىنىشكە قاراي، ەر ادام قايتىس بولدى، - دەلىنگەن رەسمي حابارلامادا.

ۆەلوجارىس ۇيىمداستىرۋشىلارى مارقۇمانىڭ تۋىستارى مەن جاقىندارىنا قايعىرىپ كوڭىل ايتتى. ۆەلوجارىستى توقتاتۋعا شەشىم قابىلداندى. سپورت دوداسى ەكى كۇنگە – 15-16 شىلدەگە جوسپارلانعان بولاتىن.

ەسكە سالايىق، بيىل 9 مامىر كۇنى الماتى ماڭىنداعى ىلە وزەنىنىڭ اڭعارىندا وتكەن Tengri Ultra 2023 ۋلترامارافونى كەزىندە جارىسقا قاتىسۋشى 41 جاستاعى ەر ادام قايتىس بولعان ەدى.

اقپاراتقا سايكەس، مارافونشى كۇتپەگەن جەردەن ءوزىن ناشار سەزىنىپ، ەسىنەن تانىپ قۇلاعان.

پىكىرلەر