قاراعاندىدا بالالارعا جىنىستىق قاتىناس ءۇشىن اقشا ۇسىنعان ەر ادام 8 جىلعا سوتتالدى، دەپ حابارلايدى "ادىرنا" ءتىلشىسى.
قاراعاندى وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋداندىق سوتى 34 جاستاعى كۇدىكتىگە قاتىستى قىلمىستىق ءىس قوزعادى.
قاراعاندى تۇرعىنىنىڭ بەس كىشكەنتاي بالاعا جىنىستىق قاتىناس ءۇشىن اقشا ۇسىنىپ، ادەپسىز ارەكەتتەر جاساعانىن انىقتاعان.
“سوتتالۋشىنىڭ كىناسى كامەلەتكە تولماعان جابىرلەنۋشىلەر، ولاردىڭ زاڭدى وكىلدەرى مەن كۋاگەرلەرىنىڭ ايعاقتارىمەن، كەشەندى سوت-پسيحولوگيالىق-پسيحياتريالىق ساراپتامالاردىڭ قورىتىندىلارىمەن، سونداي-اق قىلمىستىق ءىستىڭ باسقا دا ماتەريالدارىمەن دالەلدەندى. پروكۋرور سوتتالۋشىنى ءومىر بويىنا پەداگوگيكالىق جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋ قۇقىعىنان ايىرا وتىرىپ، 10 جىلعا باس بوستاندىعىنان ايىرۋدى سۇرادى”، – دەپ مالىمدەدى كامەلەتكە تولماعانداردىڭ ىستەرى جونىندەگى مامانداندىرىلعان سوتىنىڭ ءباسپاسوز قىزمەتى.
ۇقساس جاڭالىقتار
