ساۋد ارابياسى قىتايمەن مۇنايدى دوللارعا ەمەس، يۋانعا ساتۋ مۇمكىندىگىن تالقىلاپ جاتىر، دەپ حابارلايدى “ادىرنا” ۇلتتىق پورتالى.
The Wall Street Journal ەكى ەل اراسىنداعى كەلىسسوزدەرگە ەر-رياد پەن ۆاشينگتون اراسىنداعى قارىم-قاتىناستارداعى كەلىسپەۋشىلىك سەبەپ بولعانىن جازدى. SA اقش-تىڭ يەمەندەگى ازاماتتىق سوعىسقا ارالاسۋىنا جانە ولاردىڭ يرانمەن يادرولىق كەلىسىم بويىنشا كەلىسسوزدەرىنە نارازى. بۇعان قوسا، ساۋد ارابياسىنىڭ رەسمي وكىلدەرى وتكەن جىلى اقش اسكەرىنىڭ اۋعانستاننان تەز شىعارىلۋىنا رەنىشىن ءبىلدىردى.
الايدا ساۋد ارابياسى مەن قىتاي اراسىنداعى دوستىق قارىم-قاتىناس بەرىك. بەيجىڭ پاتشالىققا ءوزىنىڭ بالليستيكالىق زىمىراندارىن جاساۋعا كومەكتەستى جانە ساۋد ارابياسىنىڭ حانزاداسى مۇحاممەد بەن سالماننىڭ جوبالارىنا ينۆەستيتسيا سالا باستادى.
قازىر ەر-رياد مۇنايىن ساتۋ بويىنشا ترانزاكتسيالاردىڭ كوپشىلىگى 80% دوللارمەن جۇزەگە اسىرىلادى.
قىتايعا مۇنايدى يۋانعا ساتۋ دوللاردىڭ الەمدىك مۇناي نارىعىنداعى ورنىن السىرەتۋى، سونداي-اق قىتاي ۆاليۋتاسىن قولداۋى مۇمكىن ەكەنى اتاپ وتىلگەن.
“ادىرنا” ۇلتتىق پورتالى
