حالىقتىڭ كوتەرىلىپ جاتقانى بۇل ارينە دۇرىس ەمەس. بىراق اركىمنىڭ جەتەگىندە كەتۋ، ول ارانداتۋشىلىق. سىرتتا جاتقان ءابىلازوۆ بولسىن، ءتىپتى، شەتەلدىكتەر دە اقشا سالىپ، اراعا ىرىتكى سالىپ جاتىر دەگەن دە پىكىر جوق ەمەس. بۇل ءبىزدىڭ ىشكى بىرلىگىمىزگە نۇقسان كەلتىرۋدە. قازاق «ىشتەن شىققان جاۋا جامان» دەيدى. ءبىز ەڭ الدىمەن ەلىمىزدىڭ بۇتىندىگىن ويلاۋىمىز كەرەك. ەلباسى بيلىكتەن ءوز ەركىمەن كەتىپ، كۇنى كەشە ءوزىمىز سايلاۋدا داۋىس بەرگەن قاسىم-جومارت توقاەۆ تىزگىندى ءوز قولىنا الىپ جاتىر. قانشاما ءتىلدى ەركىن مەڭگەرگەن، ساياساتتا دا، ومىردە دە تاجىريبەسى مول، سىرتقى ساياساتتا دا بەدەلى بار تۇلعانىڭ جۇمىس ىستەۋىنە ءبىز ەندى مۇمكىندىك بەرۋىمىز كەرەك. مەن ونى قولدايمىن. قازىرگى كەزدەگى ەڭ وزەكتى دۇنيە – حالىقتىڭ قال-احۋالى. ەندى سونىڭ ءبارىن رەتتەپ، جوندەۋ ءۇشىن سايلاۋ بولىپ، پرەزيدەنتتى سايلامادىق پا؟ مەن ءبىر نارسەنى ايتقىم كەلەدى. ءار وڭىردە پروبلەما جوق ەمەس، بار. بيلىك پەن حالىقتىڭ اراسىنداعى بايلانىس، ەكەۋارا كەلىسسوز دۇرىس بولۋى كەرەك. بيلىكتىڭ ديالوگى مەيلىنشە اشىق بولۋى ءتيىس. بۇگىنگى كۇنى بيلىك حالىققا جاقىنداۋى كەرەك. مىسالى، ايتام دەگەن ماسەلەسى بولسا جاستار اۋدان اكىمدىگىنە بارىپ، كادىمگىدەي ماسەلەنى قاعاز بەتىنە ءتۇسىرىپ، نەگە كونسترۋكتيۆتى ديالوگ قۇرماسقا؟ جالاڭ ءسوز، ەموتسيا، ايقاي-شۋمەن ماسەلە شەشىلمەيدى ەشقاشان. وسىنى ءتۇسىنۋ كەرەك. ءبىزدىڭ ەلگە سىرتتان كوز تىگىپ وتىرعان مەملەكەتتەر وتە كوپ. بىزگە ىشكى بىرلىك قازىر اۋاداي قاجەت.
قاراكوز سۇلەيمەنوۆا،
قازاقستاننىڭ ەڭبەك سىڭىرگەن قايراتكەرى
