Halyqtyń kóterilip jatqany bul arıne durys emes. Biraq árkimniń jeteginde ketý, ol arandatýshylyq. Syrtta jatqan Ábilázov bolsyn, tipti, sheteldikter de aqsha salyp, araǵa iritki salyp jatyr degen de pikir joq emes. Bul bizdiń ishki birligimizge nuqsan keltirýde. Qazaq «ishten shyqqan jaýa jaman» deıdi. Biz eń aldymen elimizdiń bútindigin oılaýymyz kerek. Elbasy bılikten óz erkimen ketip, kúni keshe ózimiz saılaýda daýys bergen Qasym-Jomart Toqaev tizgindi óz qolyna alyp jatyr. Qanshama tildi erkin meńgergen, saıasatta da, ómirde de tájirıbesi mol, syrtqy saıasatta da bedeli bar tulǵanyń jumys isteýine biz endi múmkindik berýimiz kerek. Men ony qoldaımyn. Qazirgi kezdegi eń ózekti dúnıe – halyqtyń qal-ahýaly. Endi sonyń bárin rettep, jóndeý úshin saılaý bolyp, Prezıdentti saılamadyq pa? Men bir nárseni aıtqym keledi. Ár óńirde problema joq emes, bar. Bılik pen halyqtyń arasyndaǵy baılanys, ekeýara kelissóz durys bolýy kerek. Bıliktiń dıalogy meılinshe ashyq bolýy tıis. Búgingi kúni bılik halyqqa jaqyndaýy kerek. Mysaly, aıtam degen máselesi bolsa jastar aýdan ákimdigine baryp, kádimgideı máseleni qaǵaz betine túsirip, nege konstrýktıvti dıalog qurmasqa? Jalań sóz, emoııa, aıqaı-shýmen másele sheshilmeıdi eshqashan. Osyny túsiný kerek. Bizdiń elge syrttan kóz tigip otyrǵan memleketter óte kóp. Bizge ishki birlik qazir aýadaı qajet.
Qarakóz SÚLEIMENOVA,
Qazaqstannyń eńbek sińirgen qaıratkeri
