وسى جىلدىڭ قازان ايىندا تانىسىن ءولتىرىپ، قىلمىس ءىزىن جاسىرۋ ءۇشىن دەنەسىن ورتەپ جىبەرگەن 22 جانە 33 جاستاعى ەكى ەر ادامدى ۇستادى. بۇل تۋرالى الماتى قالالىق پوليتسيا دەپارتامەنتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سۇيەنسەك، كىسى ولتىرگەن كۇدىكتىلەر ەكى ايعا جۋىق ۋاقىت وزدەرى قازعان جەرگە جاسىرىنىپ جۇرگەن.
"ارنايى جەدەل-تەرگەۋ توبى قۇرىلدى. كۇنى كەشە كۇدىكتىلەردىڭ تۇرعان جەرى بەلگىلى بولدى: ولار وسى ۋاقىت بويى الماتى – استانا تاس جولىنان 2 شاقىرىم جەردە ورنالاسقان ورىندى قازىپ، (3ح1,3 م، بيىكتىگى 1,7 م) سول جەردە جاسىرىنىپ جۇرگەن. وندا كۇدىكتىلەر وزدەرىنە ارنايى باسپانا جاساپ، تاماقتاناتىن ورىن جاساپ قويعان. ولار وزدەرىنىڭ تانىسىن ولتىرگەندەرىن مويىندادى. كۇدىكتىلەر قاماۋعا الىندى»، – دەدى الماتى قالالىق پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
قازاقستان رەسپۋبليكاسىنىڭ قىلمىستىق كودەكسىنىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
