LRT جەلىسى جوباسى اياسىندا ساۋران جانە اقمەشىت كوشەلەرىنىڭ قيىلىسىنداعى سىعاناق كوشەسىنىڭ بويىنا ءمونوليتتى تەمىربەتوندى ارقالىق ورناتۋ جۇمىستارى اياقتالدى، دەپ حابارلايدى «ادىرنا» ۇلتتىق پورتالى City Transportation Systmes كولىك كەشەنىن باسقارۋ وپەراتورىنا سىلتەمە جاساپ.
سىعاناق كوشەسىنىڭ بويىمەن، قابانباي باتىر داڭعىلىنان ارىس كوپىرىنىڭ وڭتۇستىك جاعىنا دەيىن قوزعالىس 25 جەلتوقساندا قالپىنا كەلتىرىلەدى دەپ ۋادە ەتىلگەن. ول اكىمشىلىك پوليتسيا باسقارماسىمەن كەلىسىلگەن جول قوزعالىسىن ۇيىمداستىرۋ سحەماسىنا سايكەس جۇزەگە اسىرىلادى.
قازىرگى ۋاقىتتا ۋاقىتشا قۇرىلىستاردى بولشەكتەۋ جانە الاڭدى تازالاۋ جۇمىستارى جۇرگىزىلۋدە.
«سونداي-اق ءبىز بارلىق جول قوزعالىسىنا قاتىسۋشىلاردان قيىلىستاردان ءوتۋ كەزىندە قوزعالىستى ۇيىمداستىرۋداعى وزگەرىستەرگە نازار اۋدارۋدى جانە ساپارلارىن جوسپارلاۋ كەزىندە وسى اقپاراتتى ەسكەرۋدى سۇرايمىز»، - دەدى City Transportation Systems.
«ادىرنا» ۇلتتىق پورتالى
