«التىن وردا» بازارىنىڭ يەسى دانيار الپيەۆ ۇستالدى. بۇل تۋرالى ونىڭ ادۆوكاتى الىبەك الماباەۆ مالىمدەدى، دەپ حابارلايدى «ادىرنا» ءتىلشىسى orda.kz-كە سىلتەمە جاساپ.
ايتۋىنشا، كاسىپكەر 2 ايعا قاماۋعا الىنعان.
«قاراساي اۋداندىق سوتى الپيەۆتى قاماۋعا الۋ تۋرالى قاۋلى شىعاردى. سوت وتە جىلدام ءوتتى. ولار قاماۋعا الۋ تۋرالى سانكتسيا بەردى. بىزدە ۇكىمگە شاعىمدانۋعا ءۇش كۇن بار»، – دەدى ول.
الپيەۆ 20 جەلتوقساندا ۇستالىپ، قاراساي اۋدانىنداعى ۋاقىتشا ۇستاۋ يزولياتورىنا قامالدى. ول اسا ءىرى كولەمدە الاياقتىق جاسادى دەگەن كۇدىككە ءىلىنىپ وتىر.
قىلمىستىق كودەكستىڭ 190-بابىنىڭ 4-بولىگى «اسا ءىرى كولەمدەگى الاياقتىق» بويىنشا ايىپ تاعىلدى. قاماۋعا الىنعان كەزدە ول قورعاۋعا قۇقىعى بار كۋاگەر مارتەبەسىنە يە بولدى. كەلتىرىلگەن شىعىن كولەمى ناقتىلانبادى. ەستەرىڭىزگە سالا كەتەيىن، «التىن وردا» بازارى اۋماعىندا №3 ساۋدا پاۆيلونىنىڭ قۇرىلىسى باستالىپ، ولار جارناما بەرىپ، ۇلەسكەرلەر ورىنداردى برونداۋعا نيەت بىلدىرگەن بولاتىن. دانيار اقشانى ءبولىپ-ءبولىپ بەرۋگە رۇقسات بەردى»، - دەدى الماباەۆ.
الپيەۆتىڭ وكىلىنىڭ ايتۋىنشا، برونداۋ كەلىسىمىندە قۇرىلىستى اياقتاۋ مەرزىمى 2024 جىلدىڭ ەكىنشى توقسانىنا بەلگىلەنگەن، بىرجاقتى ۇزارتۋ مۇمكىندىگى ايىنا ءۇش رەتتەن كوپ ەمەس. بۇل جاعدايدا اكتسيونەرلەردى حاباردار ەتۋدىڭ قاجەتى جوق.
