وزبەكستان سىرتقى ىستەر مينيسترلىگى زاحار پريلەپيننىڭ مالىمدەمەسىنە بايلانىستى رەسەيدىڭ وسى ەلدەگى توتەنشە جانە وكىلەتتى ەلشىسى ولەگ مالگينوۆتى شاقىرىپ، تۇسىنىكتەمە الدى، دەپ حابارلايدى «ادىرنا» ءتىلشىسى.
بۇعان دەيىن «سپراۆەدليۆايا روسسيا - زا پراۆدۋ» پارتياسىنىڭ تەڭ توراعاسى، جازۋشى زاحار پريلەپين وزبەكستان شەكاراسىن رەسەيگە قوسۋ قاجەتتىگىن ايتقان ەدى.
وزبەكستان سىرتقى ىستەر مينيسترلىگى مۇنداي مالىمدەمەلەر ەكى ەل اراسىنداعى ستراتەگيالىق قارىم-قاتىناسقا كەرى اسەرىن تيگىزۋى مۇمكىن ەكەنىن اتاپ ءوتتى.
رەسەي ەلشىسى ولەگ مالگينوۆ پريلەپين مالىمدەمەسىنىڭ رەسەي فەدەراتسياسى باسشىلىعىنىڭ دوستاس جانە تاۋەلسىز وزبەكستانعا قاتىستى رەسمي ۇستانىمىنا ەش قاتىسى جوق ەكەنىن حابارلادى. ول سونداي-اق رەسەي سىرتقى ىستەر مينيسترلىگىنىڭ بولعان وقيعاعا قاتىستى تۇسىنىكتەمە بەرۋدى جوسپارلاپ وتىرعانىن اتاپ ءوتتى.
