سەيسميكالىق قاۋىپسىزدىكتى كۇشەيتۋ ءۇشىن وسى جىلدىڭ قازان ايىنان باستاپ 16,7 مىڭ نىساندى قامتيتىن قالا عيماراتتارىنىڭ سەيسمواۋديتىن باستاۋ قاجەت. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە الماتى اكىمى ەربولات دوساەۆ ايتتى.
«اكىمدىكتىڭ باستاماسى بويىنشا الماتى قالاسى ءماسليحاتىنىڭ الماتى قالاسىنىڭ اۋماعىن سالۋ جونىندەگى قاعيدالاردى بەكىتۋ جونىندەگى قۇزىرەتىن، سونداي-اق قالانىڭ كۇردەلى وبەكتىلەرىن تەحنيكالىق سۇيەمەلدەۋ جانە قابىلداۋ ءۇشىن عىلىمي-زەرتتەۋ ينستيتۋتىن تارتۋدىڭ ورىندىلىعىن كوزدەيتىن زاڭناماعا وزگەرىستەر ەنگىزىلەدى. بۇدان وزگە جاو-عا وبەكتىلەردىڭ سەيسميكالىق تۇراقتىلىعى تۇرعىسىنان قالا قۇرىلىسىن باقىلاۋ فۋنكتسياسىن بەرۋ كوزدەلۋدە»، - دەدى قالا اكىمى.
جەر سىلكىنىسى تۋرالى ەرتە حابارلاۋدىڭ 28 سەيسموستانساسىن ورناتۋ تولىعىمەن اياقتالدى. تج كەزىندە زارداپ شەككەن حالىقتى قابىلداۋدىڭ 545 پۋنكتى بەلگىلەندى.
بوستاندىق اۋدانىندا ءورت ءسوندىرۋ دەپوسىنىڭ قۇرىلىسى اياقتالدى. 75 مەترگە 2 ءورت ءيىندى كوتەرگىش پەن 90 مەترگە 1 كوتەرگىش ساتىپ الۋ بويىنشا جۇمىستار جۇرگىزىلۋدە.
