جىل باسىنان بەرى 5 920 وقۋشىعا ارنالعان 21 مەكتەپ پەن قوسالقى نىساندار، ونىڭ ىشىندە 3 450 ورىندىق 16 جەكەمەنشىك مەكتەپ، 1,5 مىڭ ورىندىق 1 مەملەكەتتىك مەكتەپ جانە 970 ورىندىق 4 قوسالقى نىسان ىسكە قوسىلدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە الماتى اكىمى ەربولات دوساەۆ ايتتى.
بۇگىنگى تاڭدا الماتىدا 138 مىڭ وقۋشى مەن مەكتەپكە دەيىنگى ۇيىمدارداعى 5,7 مىڭ بالا تەگىن تاماقپەن قامتاماسىز ەتىلگەن. العاش رەت 1 قىركۇيەكتەن باستاپ الماتى اكىمىنىڭ تاپسىرماسى بويىنشا 8 258 بالانى قامتيتىن 30 مەكتەپتە «مەكتەپ اۆتوبۋسى» جوباسى ىسكە قوسىلدى. ول ءۇشىن 100 اۆتوبۋس ساتىپ الىندى. 2 يننوۆاتسيالىق شىعارماشىلىق ورتالىق، مەكتەپكە دەيىنگى جانە ينكليۋزيۆتى ءبىلىم بەرۋ ورتالىقتارى اشىلدى.
بىلىكتىلىكتى ارتتىرۋ ءۇشىن كۋرستاردان 4 405 پەداگوگ، حالىقارالىق تاعىلىمدامادان – 360 پەداگوگ ءوتتى. جالپى، ءبىلىم بەرۋدى قارجىلاندىرۋ 2023 جىلى 12 پايىزعا ۇلعايىپ، 416 ملرد. تەڭگە بولدى، 2024 جىلى 466 ملرد. تەڭگەگە دەيىن ۇلعايادى.
