Jyl basynan berı 5 920 oquşyǧa arnalǧan 21 mektep pen qosalqy nysandar, onyŋ ışınde 3 450 oryndyq 16 jekemenşık mektep, 1,5 myŋ oryndyq 1 memlekettık mektep jäne 970 oryndyq 4 qosalqy nysan ıske qosyldy. Būl turaly Ortalyq kommunikasiialar qyzmetınde ötken brifingte Almaty äkımı Erbolat Dosaev aitty.
Bügıngı taŋda Almatyda 138 myŋ oquşy men mektepke deiıngı ūiymdardaǧy 5,7 myŋ bala tegın tamaqpen qamtamasyz etılgen. Alǧaş ret 1 qyrküiekten bastap Almaty äkımınıŋ tapsyrmasy boiynşa 8 258 balany qamtityn 30 mektepte «Mektep avtobusy» jobasy ıske qosyldy. Ol üşın 100 avtobus satyp alyndy. 2 innovasiialyq şyǧarmaşylyq ortalyq, mektepke deiıngı jäne inkliuzivtı bılım beru ortalyqtary aşyldy.
Bılıktılıktı arttyru üşın kurstardan 4 405 pedagog, halyqaralyq taǧylymdamadan – 360 pedagog öttı. Jalpy, bılım berudı qarjylandyru 2023 jyly 12 paiyzǧa ūlǧaiyp, 416 mlrd. teŋge boldy, 2024 jyly 466 mlrd. teŋgege deiın ūlǧaiady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz