«Sergek» kameralaryna taǧy qandai zaŋbūzuşylyqtar tırkeletının belgılı boldy, dep habarlaidy «Adyrna» ūlttyq portaly Işkı ıster ministrlıgınıŋ Äkımşılık polisiia komitetıne sılteme jasap.
IIM Äkımşılık polisiia komitetınıŋ töraǧasy Qaisar Sūltanbaevtyŋ aituynşa, Almaty men Astanada qūqyq būzuşylyqtyŋ jaŋa türlerı boiynşa pilottyq joba qazırdıŋ özınde ıske qosylǧan. «Bız qazırdıŋ özınde pilottyq jobany qoldanyp jatyrmyz. Pilottyq rejimde keibır qalalarynda, Almaty men Astanada osyndai jūmystardy jürgızıp jatyrmyz. Pilottyq jobany aiaqtaǧannan keiın būl mäselenı şeşuge tyrysamyz. Sonyŋ ışınde ūialy telefon, qauıpsızdık beldıkterın paidalanu. Bız mūndai zaŋbūzuşylyqtardy aldaǧy uaqytta "Sergek" arqyly anyqtaimyz», - dedı Sūltanbaev OKQ brifingınde. «Mysaly, eger kölık jaiau jürgınşıden keiın jürse, būl jol erejesın būzu bolyp sanalmaidy. Alaida, eger jürgızuşı jaiau jürgınşıge jol bermese jäne toqtamasa, oǧan aiyppūl salynady», - dep naqtylady IIM. Sonymen qatar, pilottyq rejimdegı intellektualdy jüie jürgızuşı men kölık qūralynyŋ aldyŋǧy oryndyqtarynyŋ jolauşylarynda bekıtılmegen qauıpsızdık beldıgı siiaqty jol erejelerın būzudy tırkei bastaidy.«Adyrna» ūlttyq portaly
Ūqsas jaŋalyqtar
