قازاقستاندىق UFC فايتەرى شاۆكات راحمونوۆ قازاقستاندىقتاردى تاۋەلسىزدىك كۇنىمەن قۇتتىقتادى، دەپ حابارلايدى "ادىرنا" ءتىلشىسى.
سپورتشى شارشى الاڭداعى جەڭىسىنەن كەيىن Instagram پاراقشاسىندا كوماندامەن بىرگە قازاقستاننىڭ تۋىن ۇستاپ تۇرعان فوتوسىن جۇكتەپ، قۇتتىقتاۋىن جازدى.
"تاۋەلسىزدىك كۇنى قۇتتى بولسىن! قازاق ەلى، جەڭىسپەن", - دەپ جازدى جەكپە-جەك شەبەرى.
قازاقستاندىق UFC فايتەرى شاۆكات راحمونوۆ (17-0) لاس-ۆەگاستا (نەۆادا، اقش) UFC 296 تۋرنيرىندە جەڭىسكە جەتكەن. ونىڭ قارسىلاسى امەريكالىق ستيۆەن تومپسون (17-7-1) بولدى.
شاۆكات راحمونوۆ لاس-ۆەگاستا وتكەن UFC 296 تۋرنيرىندە قىلقىندىرۋ ادىسىمەن 6-رەت قاتارىنان جەكپە-جەكتە ۋاقىتىنان بۇرىن جەڭىسكە جەتىپ، تاريحقا ەندى.
