كەنتاۋدا قاتتى جەل سالدارىنان 20-عا جۋىق عيماراتتىڭ شاتىرى ۇشتى، دەپ حابارلايدى "ادىرنا" ءتىلشىسى قازتاگ-قا سىلتەپ.
كەنتاۋدا كوپ قاباتتى ۇيلەر مەن ءبىلىم بەرۋ مەكەمەلەرىنىڭ شاتىرلارى ۇشىپ كەتكەن. بۇل تۋرالى كەنتاۋ قالاسى اكىمدىگىنىڭ ءباسپاسوز قىزمەتى حابارلادى.
«10 كوپ قاباتتى ءۇيدىڭ، توعىز ءبىلىم بەرۋ مەكەمەسىنىڭ شاتىرى ۇشتى»، - دەلىنگەن.
بۇعان دەيىن الەۋمەتتىك جەلىدە شاتىرلارى ۇشقان عيماراتتاردىڭ سۋرەتى جاريالانعان بولاتىن. اكىمدىك وقيعانىڭ 14 جەلتوقسان كۇنى قاتتى جەل سالدارىنان بولعانىن ءتۇسىندىردى. ايماقتا جەلدىڭ ەكپىنى 25-30 م/س دەيىن جەتكەن.
