Kentaýda qatty jel saldarynan 20-ǵa jýyq ǵımarattyń shatyry ushty, dep habarlaıdy "Adyrna" tilshisi QazTag-qa siltep.
Kentaýda kóp qabatty úıler men bilim berý mekemeleriniń shatyrlary ushyp ketken. Bul týraly Kentaý qalasy ákimdiginiń baspasóz qyzmeti habarlady.
«10 kóp qabatty úıdiń, toǵyz bilim berý mekemesiniń shatyry ushty», - delingen.
Buǵan deıin áleýmettik jelide shatyrlary ushqan ǵımarattardyń sýreti jarııalanǵan bolatyn. Ákimdik oqıǵanyń 14 jeltoqsan kúni qatty jel saldarynan bolǵanyn túsindirdi. Aımaqta jeldiń ekpini 25-30 m/s deıin jetken.
