جاپونيانىڭ ويتا قالاسىندا الاپات ءورت بولىپ، 170-تەن استام عيمارات ورتەنىپ كەتتى، دەپ حابارلايدى «ادىرنا» ءتىلشىسى.
News-TV Asahi دەرەگىنشە، ءورت تۋرالى اقپارات 18 قاراشا كۇنى كەشكى ۋاقىتتا تۇسكەن. الدىمەن ءبىر ءۇي وتقا ورانعان، الايدا قاتتى جەل سالدارىنان جالىن جاقىن ماڭداعى ۇيلەرگە تەز تارالىپ، ءورت شامامەن 48,9 مىڭ شارشى مەتردى شارپىعان.
وقيعا ورنىنان ءبىر ادامنىڭ ءمايىتى تابىلدى. الايدا ونىڭ كىم ەكەنى ازىرگە انىقتالعان جوق.
ورتتەن 167 ادام ەۆاكۋاتسيالاندى. ولار جەرگىلىكتى قوعامدىق ورتالىققا ورنالاستىرىلدى. شامامەن 350 ءۇي جارىقسىز قالعان.
قالا اكىمدىگى زارداپ شەككەندەرگە بارىنشا كومەك كورسەتىلەتىنىن مالىمدەدى.
ۇقساس جاڭالىقتار
