قوستاناي وبلىسىندا ەكى ادام مۇز ارقىلى جولدى كەسىپ وتپەك بولعان، دەپ حابارلايدى "ادىرنا" ءتىلشىسى polisia.kz-كە سىلتەمە جاساپ.
16 جەلتوقسان كۇنى 31 جانە 51 جاستاعى ەكى جەرگىلىكتى تۇرعىن كەشكى ساعات 20:00 شاماسىندا شورتاندى وزەنى ارقىلى ۇيگە باراتىن جولدى كەسىپ وتپەك بولعان. سالدارىنان وزەن بەتىندەگى مۇز وپىرىلىپ، ەكى ادام سۋعا ءتۇسىپ كەتكەن.
قوستاناي وبلىسىنىڭ ءتورت پوليتسيا قىزمەتكەرى وقيعا ورنىنا 4 مينۋت ىشىندە جەتىپ، سۋعا تۇسكەندەردى قۇتقارىپ قالدى.
وقيعا ورنىنا جەدەل جەتكەن پاترۋلدىك پوليتسەيلەر نۇرلان شۋكمانوۆ پەن رۋسلان كۋجاحمەتوۆ مۇز ۇستىمەن جورعالاپ، تەرەڭدىگى شامامەن 6 مەترلىك سۋعا سەكىرگەن.
ولار ەر ادامداردى تەز ارادا جوعارىعا قاراي يتەرىپ، قالعان ەكى پوليتسيا قىزمەتكەرى كەزەك-كەزەك بارلىعىن سۋدان جاعاعا شىعارعان تروستى ۇستاپ تۇرعانى انىقتالدى.
قازىر سۋعا باتقان ەكى ەر ادامدار دارىگەرلەردىڭ باقىلاۋىندا. ولاردىڭ جاعدايى تۇراقتى.
