قاراعاندى وبلىسى وساكاروۆ اۋدانى مولودەجنىي اۋىلىنان الىس ەمەس جەردە قانىش ساتباەۆ كانالىندا Renault كولىگى مۇزعا قۇلاپ كەتتى، دەپ حابارلايدى “ادىرنا” ۇلتتىق پورتالى.
كولىكتە ءۇش بالىقشى بولعان، ەكەۋى امان شىعىپ، ال ءۇشىنشىسىن قۇتقارۋشىلار ىزدەستىرۋدە. بەلگىلى بولعانداي، ءۇش ۇشەۋى كانالدا بالىق اۋلاپ جۇرگەن.
تۇندە ساعات 02:16-دا 112-گە ق.ساتباەۆ كانالىنىڭ №10 سۋ ەلەكتر تورابىندا «رەنو» جەڭىل كولىگىنىڭ مۇزعا قۇلاعانى تۋرالى حابارلاما تۇسكەن.
“كولىكتە ءۇش ادام بولعان. ەكەۋى ءوز بەتىمەن شىعىپ، مەديتسينالىق كومەكتى قاجەت ەتپەدى. توتەنشە جاعدايلار قىزمەتى 1985 جىلى تۋعان ءۇشىنشى ازاماتتى ىزدەستىرۋدە”، - دەپ حابارلادى قاراعاندى وبلىسى توتەنشە جاعدايلار قىزمەتىنىڭ ءباسپاسوز قىزمەتى.
قۇتقارۋشىلار ەر ادامدى اعىس الىپ كەتكەن دەپ بولجايدى. ونى ىزدەۋ جۇمىستارى جالعاسۋدا.
ايتا كەتۋ كەرەك، قانىش ساتباەۆ اتىنداعى كانال – جاي بالىق شارۋاشىلىعى سۋ قويماسى ەمەس، اۋىز سۋمەن قامتاماسىز ەتۋ كوزى، ارناعا سۋ مەزگىل-مەزگىل ايدالادى، سونىڭ ناتيجەسىندە سۋ مۇزدى شايىپ، مۇزدىڭ جۇقا بولىكتەرى مەن جارىقتار پايدا بولادى.
“ادىرنا” ۇلتتىق پورتالى
