ەكولوگيا جانە تابيعي رەسۋرستار مينيسترلىگىنە قاراستى ورمان شارۋاشىلىعى جانە جانۋارلار دۇنيەسى كوميتەتى قار بارىسىنىڭ سانى رەكوردتىق دەڭگەيدە ازايعانىن جوققا شىعاردى، دەپ حابارلايدى “ادىرنا” ۇلتتىق پورتالى.
كەشە Energyprom مونيتورينگ اگەنتتىگى قازاقستاندا بار بارىسىنىڭ سانى 99-عا دەيىن ازايعانى جايلى مالىمەت تاراتقان بولاتىن. دەگەنمەن، ەكولوگيا مينيسترلىگىنە قاراستى ورمان شارۋاشىلىعى جانە جانۋارلار دۇنيەسى كوميتەتى بۇل اقپاراتتىڭ شىندىققا جاناسپايتىنىن حابارلادى.
«زوولوگيا ينستيتۋتىنىڭ ساناعىنا سايكەس قازاقستانداعى قار بارىسىنىڭ سانى 180 داراقتان اسقان»، - دەيدى كوميتەتتەن.
ەسكە سالساق، قازاندا ەكولوگيا جانە تابيعي رەسۋرستار ءمينيسترى ەرلان نىسانباەۆ كيىك سانى رەتتەۋ ءۇشىن اتۋعا رۇقسات بەرىلەتىنىن ايتقان ەدى.
ءمينيستردىڭ ايتۋىنشا، كيىك سانىن باسقارۋ جونىندەگى بيولوگيالىق نەگىزدەمەدە پوپۋلياتسيانى رەتتەۋدىڭ ەكى ءتاسىلى ۇسىنىلعان. ءبىرىنشىسى – تور قۇرۋ ارقىلى ۇستاپ، ەتىن ەت وڭدەيتىن زاۋىتتارعا جەتكىزۋ. بۇل ءادىس كۇندىز جاسالادى. ەكىنشىسى – تۇندە اتىپ الۋ.
ايتا كەتەيىك، كيىك پەن ءىلبىز قىزىل كىتاپقا ەنگەن.
