كەنتاۋدا تۇرعىندار ۇيلەرىندە جارىق پەن جىلۋ جوق دەپ شاعىمدانۋدا، دەپ حابارلايدى "ادىرنا" پورتالى.
«بۇگىن تۇندە جىلۋ باتارەيالارى سالقىنداپ كەتتى. قازىر كۇن سۋىتىپ بارادى. بۇل ناعىز سۇمدىق»، – دەپ جازدى كەنتاۋ تۇرعىنى.
سونىمەن قاتار، وقىرمان قالا بويىنشا جارىق جوقتىعىن العا تارتتى.
بيلىك پەن كوممۋنالدىق قىزمەت وكىلدەرى بۇل جاعدايعا قاتىستى ازىرگە ەشقانداي حابارلاما تاراتقان جوق.
توتەنشە جاعداي قىزمەتىنىڭ حابارلاۋىنشا، جىلۋ ەلەكتر ورتالىعىندا ەلەكتر قۋاتىنىڭ ۇزىلۋىنە بايلانىستى سورعى ستانساسى جۇمىسىن توقتاتقان. قازىر ول ىسكە قوسىلدى جانە ولار ازاماتتاردىڭ پاتەرلەرىندەگى باتارەيالار جاقىن ارادا جىلى بولادى دەپ سەندىردى.
