قىرعىزستان بيلىگى سيريانىڭ سولتۇستىك-شىعىسىنداعى ارنايى لاگەرلەردە بولعان ازاماتتارىن ەلگە قايتارۋ ءۇشىن «ايكول-4» گۋمانيتارلىق ميسسياسىن وتكىزدى. 8 جەلتوقساندا 31 ايەل مەن 65 بالا ەلىنە ورالدى. بۇل تۋرالى قىرعىزستان سىرتقى ىستەر مينيسترلىگىنىڭ ءباسپاسوز قىزمەتى مالىمدەدى، دەپ حابارلايديى “ادىرنا” ۇلتتىق پورتالى.
اقپارات بويىنشا، 96 ادامنان تۇراتىن توپ ارنايى ۇشاقپەن بىشكەككە ۇشتى.
«قىرعىز تاراپى امەريكا قۇراما شتاتتارىنىڭ ۇكىمەتىنە ارنايى وپەراتسيا جۇرگىزۋگە جان-جاقتى كومەك كورسەتكەنى جانە وسى گۋمانيتارلىق پروتسەستى ءساتتى جۇزەگە اسىرۋ ءۇشىن لوگيستيكالىق قولداۋ كورسەتكەنى ءۇشىن، سونداي-اق بىرىككەن ۇلتتار ۇيىمىنىڭ بالالار قورىنا (يۋنيسەف) جانە قيىن ومىرلىك جاعدايدا قالعان ازاماتتاردى ەلگە قايتارۋ بويىنشا ءتورتىنشى ءىرى ناۋقاندى وتكىزۋگە كومەكتەسكەنى ءۇشىن حالىقارالىق قىزىل كرەست كوميتەتىنە العىسىن بىلدىرەدى»، - دەلىنگەن ءسىم حابارلاماسىندا.
ايتا كەتەيىك، «ايكول» وپەراتسياسى قىرعىزستاندىقتاردى تاياۋ شىعىس ەلدەرىنەن قايتارۋ بويىنشا ەكىنشى شارا بولدى. 2021 جىلدىڭ ناۋرىز ايىندا «مەيريم» وپەراتسياسى اياسىندا يراكتان 79 بالا قايتارىلدى. 2023 جىلى ءتورت ايكول ميسسياسى بارىسىندا 101 ايەل مەن 232 بالا تۋعان ەلگە ورالدى. ولاردىڭ كۇيەۋى مەن اكەلەرىنىڭ تاعدىرى حابارلانبايدى.
