جامبىل پوليتەحنيكالىق جوعارى كوللەدجىندە جارىستىڭ سالتاناتتى اشىلۋ ءراسىمى ءوتتى. ءان مەن جىردان شاشۋ شاشىلىپ، قاتىسۋشىلارعا ساتتىلىك تىلەدى. جىل سايىن ءداستۇرلى تۇردە ۇيىمداستىرىلاتىن بايقاۋعا بيىل 11-17 جاس ارالاعىنداعى 160 ادام قاتىسۋعا نيەت ءبىلدىرىپتى.
گۇلدانا ماحامبەتوۆا، رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ ءبولىم جەتەكشىسى
جارىس راديومەن باسقارىلاتىن اۆتو، اۆتوتراسسالىق، اۋە، كەمە جانە زىمىران مودەلدەردىڭ كلاستارى بويىنشا جۇرگىزىلەدى. جارىس ەرەجەسىنە ساي، قاتىسۋشىلار ءۇش الاڭعا ءبولىنىپ، ءوز جوبالارىن قورعاۋدا. اعابي ابدۋسامەتوۆ تۇركىستان وبلىسىنان كەلگەن، ول قاشىقتىقتان باسقارىلاتىن اۋەتاسىعىشىن ويلاپ تاۋىپ، ونى ءبىر جەتى بويى قۇراستىرعان.
اعابي ابدۋسامەتوۆ، قاتىسۋشى /تۇركىستان وبلىسى/
جارىس قورىتىندىسى بويىنشا، قاتىسۋشىلار «ۇزدىك ونەرتاپقىش»، «التىن زىمىران»، «ۇزدىك تەحنيك»، «ۇزدىك كەمە قۇراستىرۋشى»، «ۇزدىك كولىك قۇراستىرۋشى» جانە «ۇزدىك اۋە مودەلدەۋشى» نوميناتسيالارى بويىنشا انىقتالاتىن بولادى. سونداي-اق، جەڭىمپازدارعا ديپلومدار مەن قۇندى سىيلىقتار، جەتەكشىلەرىنە العىس حاتتار، ال بارلىق قاتىسۋشىلارعا سەرتيفيكاتتار تابىستالماق.
"جامبىلتۆ"
