بۇگىن، 8 جەلتوقساندا الماتى سوتىندا 2022 جىلعى قاڭتارداعى تارتىپسىزدىكتەر كەزىندە لاۋازىمدىق وكىلەتتىكتەرىن اسىرا پايدالاندى دەپ ايىپتالعان ۇلتتىق قاۋىپسىزدىك كوميتەتىنىڭ 11 قىزمەتكەرىنە قاتىستى ۇكىم شىعارىلدى. بۇل تۋرالى ازاتتىق جازدى، دەپ حابارلايدى «ادىرنا» ءتىلشىسى.
ۇقك-نىڭ بۇرىنعى جەتى قىزمەتكەرى ءۇش جىلدان بەس جىلعا دەيىن باس بوستاندىعىنان ايىرىلدى. تاعى ۇشەۋى شارتتى جازا السا، ال بىرەۋى اقتالىپ شىقتى.
ادۆوكات گۇلنار جۋاسپاەۆا سوتتىڭ مۇنداي شەشىم شىعارعانىنا نارازى.
«بىرىنشىدەن، وتە از جازا بەردى. 3-5 جىل. ەڭ باستى ايىپتالۋشى جۇمانوۆتى سوت اقتادى. ادامداردى ۇرىپ-سوعىپ، تەپكىلەگەندەردىڭ ۇشەۋىنە شارتتى جازا بەردى. سوت ۇكىمىنە كەلىسپەيمىز. وعان شاعىم تۇسىرەمىز. ازاماتتىق شاعىمدى ءىشىنارا عانا قاناعاتتاندىردى. وتەپباەۆانىڭ ايەلىنە مورالدىق شىعىن رەتىندە – 20 ملن تەڭگە، بىرنەشە ادامعا ميلليون تەڭگە تولەنەدى. قالعاندارىنىڭ شاعىمى قاناعاتتاندىرىلمادى. وتە ادىلەتسىز ۇكىم! جابىرلەنۋشىلەردىڭ قۇقىعىن قورعاعان ماعان قاتىستى جەكە قاۋلى شىعاردى»،- دەدى ول.
