پاۆلودار وبلىسىنىڭ بۇرىنعى اكىمى بولات باقاۋوۆقا قاتىستى سوت ۇكىمىنىڭ كۇشى جويىلدى. بۇل تۋرالى قالالىق №2 سوتىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«ەكونوميكالىق تەرگەپ-تەكسەرۋ دەپارتامەنتى تەرگەۋشىسىنىڭ 2022 جىلعى 22 قازانداعى قاۋلىسىمەن سوت ۇكىمى شىققاننان كەيىن مەملەكەتتىك كىرىستەر دەپارتامەنتى قىزمەتكەرلەرىنىڭ سالىقتى قاتە قوسىمشا ەسەپتەۋى تۇرعىسىنداعى ساراپتاما قورىتىندىسى بويىنشا قىلمىستىق قۇقىق بۇزۋشىلىقتىڭ بولماۋىنا بايلانىستى جشس-ءنىڭ سالىقتى تولەمەۋى تۋرالى ءىس توقتاتىلدى.
تەرگەۋشىنىڭ ءىستى توقتاتۋىنا بايلانىستى پاۆلودار وبلىسىنىڭ مامانداندىرىلعان اۋدانارالىق اكىمشىلىك سوتى 2023 جىلعى 10 مامىردا زاڭسىز دەپ تانىلىپ، قوسىمشا سالىقتى ەسەپتەۋ تۋرالى حابارلامانىڭ كۇشى جويىلدى. وسىلايشا، مەملەكەت مۇددەسىنە ايتارلىقتاي زيان كەلتىرىلمەدى»،- دەلىنگەن سوت حابارلاماسىندا.
ەسكە سالايىق، 2020 جىلعى مامىردا بولات باقاۋوۆقا لاۋازىمدىق وكىلەتىن اسىرا پايدالانعانى ءۇشىن 3,5 جىلعا باس بوستاندىعىن شەكتەۋ جازاسى تاعايىندالعان ەدى.
