استانا قالاسىندا ن. نازارباەۆتىڭ نەمەرە ءىنىسى قايرات ساتىبالدىنىڭ ءىسى بويىنشا سوت وتىرىسى ءوتىپ جاتىر. جەلىدە ايىپتالۋشىنىڭ بەينەبايلانىس ارقىلى تۋعان-تۋىستارىمەن سويلەسكەن ۆيدەوسى تارادى، دەپ حابارلايدى "ادىرنا" ۇلتتىق پورتالى "ازاتتىق راديوسىنا" سىلتەمە جاساپ.
ۆيدەو سوت وتىرىسىنىڭ باسىندا تۇسىرىلگەن. قايرات ساتىبالدى ءىنىسى سامات ابىشپەن، بالالارمەن امانداسىپ، جاعداي سۇراسادى. اعاسىن كورگەن سامات ءابىشتىڭ ء"الحامدۋليللا، قۇدايعا شۇكىر، امال جاساپ ءجۇرمىن", "ساعىندىم سەنى" دەگەن جاۋاپتارىن ەستۋگە بولادى. اڭگىمە اراسىندا ق. ساتىبالدى ۇلىنا "سامات اعاڭنىڭ قاسىندا بول ارقاشان، بالام، ونىمەن اقىلداس جاقسى ما؟" دەپ كەڭەس بەرەدى.
ەستەرىڭىزگە سالا كەتەيىك، قايرات ساتىبالدى مەن سامات ءابىش - قازاقستاننىڭ ەكس-پرەزيدەنتى نۇرسۇلتان نازارباەۆتىڭ باۋىرى ساتىبالدى نازارباەۆتىڭ بالالارى. بەينەبايلانىستىڭ سوڭىندا سامات ءابىش اعاسىنىڭ قويعان "سەن ءبارىن ءتۇسىندىڭ عوي؟" دەگەن ساۋالىنا ء"تۇسىندىم، برات..." دەپ جاۋاپ قاتىپ، ەكراندى جابادى.
