Pavlodar oblysynyń burynǵy ákimi Bolat Baqaýovqa qatysty sot úkiminiń kúshi joıyldy. Bul týraly qalalyq №2 sotynyń baspasóz qyzmeti aıtty, dep habarlaıdy «Adyrna» tilshisi.
«Ekonomıkalyq tergep-tekserý departamenti tergeýshisiniń 2022 jylǵy 22 qazandaǵy qaýlysymen sot úkimi shyqqannan keıin memlekettik kirister departamenti qyzmetkerleriniń salyqty qate qosymsha esepteýi turǵysyndaǵy saraptama qorytyndysy boıynsha qylmystyq quqyq buzýshylyqtyń bolmaýyna baılanysty JShS-niń salyqty tólemeýi týraly is toqtatyldy.
Tergeýshiniń isti toqtatýyna baılanysty Pavlodar oblysynyń mamandandyrylǵan aýdanaralyq ákimshilik soty 2023 jylǵy 10 mamyrda zańsyz dep tanylyp, qosymsha salyqty esepteý týraly habarlamanyń kúshi joıyldy. Osylaısha, memleket múddesine aıtarlyqtaı zııan keltirilmedi»,- delingen sot habarlamasynda.
Eske salaıyq, 2020 jylǵy mamyrda Bolat Baqaýovqa laýazymdyq ókiletin asyra paıdalanǵany úshin 3,5 jylǵa bas bostandyǵyn shekteý jazasy taǵaıyndalǵan edi.
