7 جەلتوقساندا اباي جانە قوستاناي وبلىستارىنىڭ بىرقاتار اۋداندارىندا اۋا رايىنىڭ ناشارلاۋىنا بايلانىستى مەكتەپتەردە ساباق قاشىقتان وقىتۋ فورماتىنا كوشىرىلدى، دەپ حابارلايدى «ادىرنا» ۇلتتىق پورتالى.
اباي وبلىسىنىڭ كوكپەكتى جانە بورودۋليحا اۋداندارىندا كوكتايعاق پەن قارلى بورانعا بايلانىستى 1-سىنىپتان 11-سىنىپقا دەيىن وقۋشىلار ءۇشىن ساباق ونلاين رەجيمىندە وتەدى.
سونداي-اق قوستاناي جانە رۋدنىي قالالارىندا ءبىرىنشى اۋىسىمداعى (0-4 سىنىپتار) وقۋشىلار ونلاين وقىتۋ فورماتىنا كوشىرىلدى. وبلىس ورتالىعىندا اۋا تەمپەراتۋراسى مينۋس 25 گرادۋس. قارابالىق وڭىرىندە مينۋس 29 گرادۋسقا دەيىنگى ايازعا بايلانىستى 0-9 سىنىپتاردىڭ ءبىرىنشى اۋىسىمىنداعى ساباقتار قاشىقتان وقىتۋعا اۋىستىرىلدى.
ۇزىنكول، سارىكول، مەڭدىقارا اۋداندارى مەن بەيىمبەت مايلين اۋدانىندا دا مەكتەپ وقۋشىلارى ونلاين وقىتۋعا كوشتى.
«ادىرنا» ۇلتتىق پورتالى
