7 jeltoqsanda Abaı jáne Qostanaı oblystarynyń birqatar aýdandarynda aýa raıynyń nasharlaýyna baılanysty mektepterde sabaq qashyqtan oqytý formatyna kóshirildi, dep habarlaıdy «Adyrna» ulttyq portaly.
Abaı oblysynyń Kókpekti jáne Borodýlıha aýdandarynda kóktaıǵaq pen qarly boranǵa baılanysty 1-synyptan 11-synypqa deıin oqýshylar úshin sabaq onlaın rejıminde ótedi.
Sondaı-aq Qostanaı jáne Rýdnyı qalalarynda birinshi aýysymdaǵy (0-4 synyptar) oqýshylar onlaın oqytý formatyna kóshirildi. Oblys ortalyǵynda aýa temperatýrasy mınýs 25 gradýs. Qarabalyq óńirinde mınýs 29 gradýsqa deıingi aıazǵa baılanysty 0-9 synyptardyń birinshi aýysymyndaǵy sabaqtar qashyqtan oqytýǵa aýystyryldy.
Uzynkól, Sarykól, Meńdiqara aýdandary men Beıimbet Maılın aýdanynda da mektep oqýshylary onlaın oqytýǵa kóshti.
«Adyrna» ulttyq portaly
