سينوپتيكتەر قازاقستاندا 7-9 جەلتوقساندا اۋا رايى قانداي بولاتىنى تۋرالى بولجام جاسادى، - دەپ حابارلايدى "ادىرنا" ءتىلشىسى.
مەتەورولوگتاردىڭ مالىمەتىنشە، رەسپۋبليكانىڭ باسىم بولىگىندە سۋىق سولتۇستىك-باتىس انتيتسيكلونىنىڭ باسىپ كىرۋىمەن جاۋىن-شاشىننىڭ توقتاۋى جانە اۋا تەمپەراتۋراسىنىڭ كۇرت تومەندەۋى كۇتىلۋدە، قازاقستاننىڭ شىعىس جانە وڭتۇستىك وبلىستارىندا عانا جاۋىن-شاشىن ساقتالادى (جاڭبىر، قار).
«تۇندە اۋا تەمپەراتۋراسى باتىستا 10-20 گرادۋس ايازعا دەيىن، سولتۇستىك-باتىستا جانە سولتۇستىكتە 28-38 گرادۋسقا دەيىن، رەسپۋبليكانىڭ قيىر سولتۇستىگىندە 42 گرادۋسقا دەيىن، ورتالىقتا جانە شىعىستا 42 گرادۋسقا دەيىن تومەندەيدى. رەسپۋبليكانىڭ بارلىق اۋماعىندا تۇمان ءتۇسىپ، ەلدىڭ وڭتۇستىك جارتىسىندا جەلدىڭ كۇشەيۋى كۇتىلەدى»، - دەلىنگەن حابارلامادا.
